By ICYM & YCS, Byndoor, 20 July 2025
ಬೈಂದೂರ್: ಕರ್ನಾಟಕ ಪ್ರಾಂತೀಯ್ ಯುವ ಸಮ್ಮೇಳನಾಚೊ ಘುರ್ತ್ ಜಾವ್ನ್ ಪವಿತ್ರ್ ಖುರ್ಸಾಕ್ ಮಾನ್ ಕರುನ್ ಜುಲಾಯ್ 20 ತಾರೀಕೆರ್ ಆಯ್ತಾರಾ ಸಕಾಳಿಂ ದುಸ್ರ್ಯಾ ಮೀಸಾ ಉಪ್ರಾಂತ್ ಉಡುಪಿ ದಿಯೆಸೆಜ್ ಯುವ ಆಯೋಗಾಚೊ ದಿರೆಕ್ತೊರ್ ಬಾ| ಸ್ಟೀವನ್ ಫೆರ್ನಾಂಡಿಸ್ ಆನಿ DEXCO (Diocesan Executive Committee of the Indian Catholic Youth Movement (ICYM) for the Udupi Diocese) ಸಾಂದೆ ಬೈಂದೂರ್ ಫಿರ್ಗಜೆಕ್ ಖುರಿಸ್ ಹಾಡ್ನ್ ಆಯ್ಲೆಂ. ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ, ICYM, YCS ಆನಿ ಫಿರ್ಗಜ್ಗಾರಾಂನಿ ಖುರ್ಸಾಕ್ ಮಾನ್ ಕರುನ್ ಭಕ್ತಿಪಣಾನ್ ಸ್ವೀಕಾರ್ ಕೆಲೆಂ. ICYM ಆನಿ YCS ಸಾಂದ್ಯಾನಿ ಮಾಗ್ಣೆಂ ಭೆಟವ್ನ್ ಖುರ್ಸಾಕ್ ಮಾನ್ ಅರ್ಪಣ್ ಕೆಲೆಂ. ಸಾಂಜೆರ್ ICYM ಆನಿ YCS ಸಾಂದ್ಯಾನಿ ತೈಜೆ ಮಾಗ್ಣೆಂ ಚಲವ್ನ್ ವ್ಹೆಲೆಂ. ಪಿಯುಸ್ ನಗರ್ ಫಿರ್ಗಜ್ ವಿಗಾರ್ ಬಾ| ಆಲ್ಬರ್ಟ್ ಕ್ರಾಸ್ತಾನ್ ಆರಾಧಾನ್ ಚಲವ್ನ್ ಮಾಗ್ಣೆಂ ಭೆಟಯ್ಲೆಂ ಉಪ್ರಾಂತ್ ಸರ್ವಾಂನಿ ಪವಿತ್ರ್ ಖುರ್ಸಾಚೆ ಆಶೀರ್ವಾದ್ ಜೊಡುನ್ ಘೆತ್ಲೆಂ.
ಸೊಮಾರಾ ದೀಸ್ ಪವಿತ್ರ್ ಖುರ್ಸಾಕ್ ಭಕ್ತಿಪಣಾನ್ ಪಡುಕೋಣೆ ಫಿರ್ಗಜೆಕ್ ವ್ಹರುನ್ ಥಂಯ್ಸರ್ ಪಡುಕೋಣೆ ಫಿರ್ಗಜ್ ವಿಗಾರಾನ್, ICYM ಆನಿ YCS ಸಾಂದ್ಯಾ ಪವಿತ್ರ್ ಖುರ್ಸಾಕ್ ಭಕ್ತಿಪಣಾನ್ ಸ್ವೀಕಾರ್ ಕೆಲೆಂ.
