By ByndoorchiZalak, Pics: Lawrence Fernandes, 27 July 2025
ಬೈಂದೂರ್: ಫಿರ್ಗಜೆಚಾ ಮಾಲ್ಗಡ್ಯಾಂಕ್ ಗೌರವ್ ಪಾಟಂವ್ಚ್ಯಾ ಖಾತಿರ್ ಕುಟ್ಮಾಂ ಆಯೋಗಾಚಾ ಮುಕೇಲ್ಪಣಾರ್ ಮಾಲ್ಗಡ್ಯಾಂಚೊ ದೀಸ್ ಜುಲಾಯ್ 27 ತಾರೀಕೆರ್, ಆಯ್ತಾರಾ ಸಕಾಳಿಂ ಮಿನಿ ಹೊಲಾಂತ್ ಆಚರಣ್ ಕೆಲೆಂ. ಬಾ| ಬೊನಿಫಾಸ್ ಪಿಂಟೊ (Director, Minor Seminary, Moodubelle) ಆನಿ ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ ಸಾಂಗಾತಾ ಸರ್ವ್ ಮಾಲ್ಗಡ್ಯಾಂನಿ ಸಂಭ್ರಮೀಕ್ ಮೀಸಾಚೆ ಬಲಿದಾನ್ ಭೆಟಯ್ಲೆಂ. ಉಪ್ರಾಂತ್ ಮಿನಿ ಹೊಲಾಂತ್ ಚಲ್ಲ್ಲ್ಯಾ ಕಾರ್ಯಕ್ರಮಾಂತ್ ವೇದಿಚೆರ್ ವಿಗಾರ್ ಬಾ| ಬೊನಿಫಾಸ್ ಪಿಂಟೊ, ಬಾ| ವಿನ್ಸೆಂಟ್ ಕುವೆಲ್ಲೊ, ಫಿರ್ಗಜ್ ಮಂಡಳಿ ಉಪಾಧ್ಯಕ್ಷ್, ಕಾರ್ಯದರ್ಶಿ, ಆಯೋಗಾಚಿ ಸಂಚಾಲಕಿ ಆನಿ ಕುಟ್ಮಾಂ ಆಯೋಗಾಚೊ ಸಂಚಾಲಕ್ ಹಾಜರ್ ಆಸ್ಲ್ಲಿಂ. ಹ್ಯಾ ಸಂದರ್ಭಾರ್ ಕಾಜಾರಿ ಜಿವಿತಾಚೆ 50 ವರ್ಸಾಂ ಸೊಂಪಯಿಲ್ಲ್ಯಾ ಜೊಡ್ಯಾಂಕ್ ಸನ್ಮಾನ್ ಕೆಲೆಂ. ಬಾ| ಬೊನಿಫಾಸ್ ಪಿಂಟೊನ್ ಉತರ್ ಪ್ರಾಯೆರ್ ಜಿಯೆಂವ್ಕ್ ಜಾಯ್ ಆಸ್ಲ್ಲಿಂ ಸೂಚನಾಂ ವಿವರಣ್ ಕರುನ್ ಮಾರ್ಗದರ್ಶನ್ ದಿಲೆಂ.
ಕಾರ್ಯಕ್ರಮಾಕ್ ಕುಟ್ಮಾಂ ಆಯೋಗ್ ಸಂಚಾಲಕ್ ರೊಬರ್ಟ್ ರೆಬೆಲ್ಲೊನ್ ಸ್ವಾಗತ್ ಕೆಲೆಂ, ಶೋಭಾ ರೆಬೆರೊನ್ ಧನ್ಯವಾದ್ ಪಾಟಯ್ಲೆಂ ಆನಿ ಜ್ಯೋತಿ ನಜ್ರೆತಾನ್ ಕಾರ್ಯೆಂ ಚಲವ್ನ್ ದಿಲೆಂ.
