30th July 2025
ಬೈಂದೂರ್: 113 ವರ್ಸಾಂ ಇತಿಹಾಸ್ ಆಸ್ಚೆಂ ಪ್ರಮುಕ್ ಸಹಕಾರಿ ಬ್ಯಾಂಕ್ ಎಂ.ಸಿ.ಸಿ. ಬ್ಯಾಂಕಾಚೆ 20ವೊ ನವೊ ಶಾಖೊ ಬೈಂದೂರಾಂತ್ ಆಯ್ತಾರಾ, ಅಗೋಸ್ತ್ 3 ತಾರೀಕೆರ್ ಉಗ್ತಾವಣ್ ಜಾತಲೆಂ ಮ್ಹಣ್ ಬ್ಯಾಂಕಾಚೊ ಅಧ್ಯಕ್ಷ್ ಸಹಕಾರ ರತ್ನ ಪುರಸ್ಕೃತ್ ಮಾನೇಸ್ತ್ ಅನಿಲ್ ಲೋಬೊನ್ ಜುಲಾಯ್ 30 ತಾರೀಕೆರ್ ಬ್ಯಾಂಕಾಚೆ ಪ್ರಮುಕ್ ಆಡಳಿತ್ ದಫ್ತರ್ ಹಂಪನಕಟ್ಟೆ, ಮಂಗ್ಳುರಾಂತ್ ಚಲ್ಲ್ಲ್ಯಾ ಪತ್ರಿಕಾಗೋಷ್ಟಿಂತ್ ಕಳಯ್ಲ್ಯಾ.
ಹ್ಯಾ ಉಗ್ತಾವಣ್ ಕಾರ್ಯಕ್ರಮಾಂತ್ ಎಂ.ಸಿ.ಸಿ. ಬ್ಯಾಂಕಾಚೊ ಅಧ್ಯಕ್ಶ್ ಮಾನೇಸ್ತ್ ಅನಿಲ್ ಲೋಬೊ ಕಾರ್ಯಕ್ರಮಾಚೆ ಅಧ್ಯಕ್ಷ್ಪಣ್ ಘೆತಲೆಂ. ಬೈಂದೂರ್ ಫಿರ್ಗಜ್ ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ ನವ್ಯಾ ಶ್ಯಾಖ್ಯಾಚೆರ್ ಅಶೀರ್ವಚನ್ ಕರ್ತಲೆಂ. ಮುಕೆಲ್ ಸಯ್ರೆಂ ಜಾವ್ನ್ ಬೈಂದೂರ್ ವಿಧಾನಸಭಾ ಶಾಸಕ್ ಶ್ರೀ ಗುರುರಾಜ್ ಗಂಟಿಹೊಳೆ, ಗೌರವ್ ಸಯ್ರೆಂ ಜಾವ್ನ್ ಶ್ರೀ ಬಾಬು ಶೆಟ್ಟಿ (ಅಧ್ಯಕ್ಷರು, ವ್ಯವಸ್ಥಾಪನ ಸಮಿತಿ, ಶ್ರೀ ಮೂಕಾಂಬಿಕಾ ದೇವಸ್ಥಾನ, ಕೊಲ್ಲೂರು), ಬಾ| ಫಿಲಿಫ್ ನೆಲಿವಿಲ್ಲ (ಪ್ರಿನ್ಸಿಪಾಲ್, ಸೈಂಟ್ ಥೋಮಸ್ ರೆಸೆಡೆನ್ಶಿಯಲ್ ಸ್ಕೂಲ್, ಬೈಂದೂರು), ಶ್ರೀ ರಾಜು ಪೂಜಾರಿ (ಮಾಜಿ ಅಧ್ಯಕ್ಷರು, ಉಡುಪಿ ಜಿಲ್ಲಾ ಪಂಚಾಯತ್, ಉಡುಪಿ), ಶ್ರೀ ಸದಾಶಿವ ಡಿ. ಪಡುವರಿ (ನಾಮ ನಿರ್ದೇಶಿತ ಸದಸ್ಯರು, ಪಟ್ಟಣ ಪಂಚಾಯತ್, ಬೈಂದೂರು), ಶ್ರೀ ಕಾಪ್ಸಿನೂರ್ ಮೊಹಮ್ಮದ್ (ಉಪಾಧ್ಯಕ್ಷರು, ಗ್ರಾಮ ಪಂಚಾಯತ್, ಶಿರೂರು), ಶ್ರೀ ನಾಗೇಶ್ ಖಾರ್ವಿ (ಅಧ್ಯಕ್ಷರು, ಕರ್ನಾಟಕ ರಾಜ್ಯ ಸಾಂಪ್ರಾದಾಯಿಕ ನಾಡದೋಣಿ ಮೀನುಗಾರರ ಒಕ್ಕೂಟ) ಮತ್ತು ಶ್ರೀ ಮೋಬಿ ಪಿ.ಸಿ. (ಆಧ್ಯಕ್ಷರು, ವಕೀಲರ ಸಂಘ, ಬೈಂದೂರು) ಹಾಜರ್ ಜಾತಲೆಂ.
ಹ್ಯಾ ನವ್ಯಾ ಶಾಖ್ಯಾಚಾ ಉಗ್ತಾವಣ್ ಕಾರ್ಯಕ್ರಮಾಕ್ ಬೈಂದೂರ್ ಫಿರ್ಗಜೆಚಾ ಸರ್ವಾಂಕ್ ಮೊಗಾಚೆಂ ಆಪೊವ್ಣೆಂ ದೀವ್ನ್ ಕಾರ್ಯಕ್ರಮಾಂತ್ ಹಾಜರ್ ಜಾಂವ್ಕ್ ಎಂ.ಸಿ.ಸಿ. ಬ್ಯಾಂಕ್ ಅಧ್ಯಕ್ಷ್, ಉಪಾಧ್ಯಕ್ಷ್, ನಿರ್ದೇಶಕಾಂನಿ, ಪ್ರಧಾನ್ ವ್ಯವಸ್ಥಾಪಕಾಂನಿ ಆನಿ ಉಗ್ತಾವಣ್ ಜಾಂವ್ಚ್ಯಾ ಬೈಂದೂರ್ ಶಾಖ್ಯಾಚೊ ಸಿನೀಯರ್ ಮ್ಯಾನೇಜರ್ ಸಂದೀಪ್ ಕ್ವಾಡ್ರಸ್ ಆನಿ ಸಿಬಂದ್ದಿ ಸಾಂದ್ಯಾಂನಿ ವಿನಂತಿ ಕೆಲ್ಯಾ.