By ByndoorchiZalak, Pics: Lawrence Fernandes, 8th February, 2026
ಬೈಂದೂರ್: ಫಿರ್ಗಜ್ ಫೆಸ್ತಾ ಸಂದರ್ಭಿ ಭಾವ್-ಬಾಂದವ್ಪಣಾಚೊ ದೀಸ್ ಜಾವ್ನ್ ಫಿರ್ಗಜೆಚಾ ಲೊಕಾನ್ ವ್ಹಡಾ ಭಕ್ತಿಪಣಾನ್ ಕೊಂಪ್ರಿಚೊ ಆಯ್ತಾರ್ ಸಂಭ್ರಮ್ಲೊ. ಸಾಂಜೆರ್ 4:00 ವೊರಾರ್ ಬಾ| ಜೊಕಿಮ್ ಡಿ’ಸೋಜಾ ಕಾಪುಚಿನ್, ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ ಆನಿ ಬಾ| ಪೃಥ್ವಿ ರೊಡ್ರಿಗಸಾ ಸಾಂಗಾತಾ ವ್ಹಡಾ ಭಕ್ತಿಪಣಾನ್ ಸಂಭ್ರಮೀಕ್ ಮೀಸಾಚೆ ಬಲಿದಾನ್ ಭೆಟಯ್ಲೆಂ.
ಉಪ್ರಾಂತ್ ಪವಿತ್ರ್ ಸಾಕ್ರಾಮೆಂತಾಕ್ ಅರ್ಗಾಂ ಆನಿ ಪ್ರಾರ್ಥನಾಂನಿ ಆರಾಧಾನ್ ಕರುನ್ ಭಕ್ತಿಪಣಾನ್ ಪವಿತ್ರ್ ಸಾಕ್ರಾಮೆಂತಾಚೆ ಪುರ್ಶಾಂವ್ ಕರುನ್ ಸಾಕ್ರಾಮೆಂತಾಚೆ ಆಶೀರ್ವಾದ್ ಸ್ವೀಕಾರ್ ಕೆಲೆಂ.
