By ByndoorchiZalak, Pics: Melvin Lobo, BCA Media Coordinator, 1st February, 2026
ದುಬಾಯ್: UAE ಆಸ್ಲ್ಲ್ಯಾ ಸರ್ವ್ ಬೈಂದೂರ್ ಫಿರ್ಗಜ್ಗಾರಾಂ ಸಾಂಗಾತಾ ಮೆಳೊಂಕ್ BCA ಸಂಘಟನಾನ್ ಆಯ್ತಾರಾ, ಫೆಬ್ರೆರ್ 1 ತಾರೀಕೆರ್ ದುಬಾಯ್, ಕರಾಮಾಂತ್ಲ್ಯಾ ಜಬಿಲ್ ಪಾರ್ಕಾಂತ್ ಪಿಕ್ನಿಕ್ ಆಸಾ ಕೆಲ್ಲೆಂ. BCA ಸಂಘಟನಾಚೊ ಮಾಲ್ಗಡೊ ಸಾಂದೊ ಲಿತುರ್ಜಿ ಕಾರ್ಯದರ್ಶಿ ತಶೆಂಚ್ ಸಂಘಟನಾಚೊ ಗುರ್ಕಾರ್ ರೊಬರ್ಟ್ ನಜ್ರೆತಾನ್ ಮಾಗ್ಣ್ಯಾದ್ವಾರಿಂ ಪಿಕ್ನಿಕಾಕ್ ಸುರ್ವಾತ್ ಕೆಲೆಂ. BCA ಅಧ್ಯಕ್ಷ್ ಮಿಲ್ಲರ್ ರೊಡ್ರಿಗಸಾನ್ ಪಿಕ್ನಿಕಾಕ್ ಹಾಜರ್ ಜಾಲ್ಲ್ಯಾ ಸರ್ವಾಂಕ್ ಸ್ವಾಗತ್ ಮಾಗೊನ್ ಬರೊ ಯೆವ್ಕಾರ್ ಮಾಗ್ಲೊ. ಪಿಕ್ನಿಕಾಂತ್ ಹಾಜರ್ ಆಸ್ಲ್ಲ್ಯಾ ಸರ್ವ್ ಫಿರ್ಗಜ್ಗಾರಾಂನಿ ತಾಂಚಿ ವೊಳೊಕ್-ಝಳಕ್ ಫಿರ್ಗಜೆಂತ್ ವಸ್ತಿ ಕರ್ಚ್ಯಾ ವಾಡ್ಯಾಚೆ ನಾಂವ್ ಸಾಂಗೊನ್ ತಾಂಚಿ ಪರಿಚಯ್ ಕೆಲೆಂ. ಖೆಳಾ ಕಾರ್ಯದರ್ಶಿ ಅಶೋಕ್ ಡಾಯಸ್, ಆಂಗ್ಡಿಭಾಟ್, ಸಾಂಸ್ಕೃತಿಕ್ ಕಾರ್ಯದರ್ಶಿ ಮ್ಯಾಥ್ಯು ನಜ್ರೆತ್ ಆನಿ ಸಾಂಸ್ಕೃತಿಕ್ ಸಹ-ಕಾರ್ಯದರ್ಶಿ ಬೆನ್ಸನ್ ಡಾಯಸಾನ್ ಪಂಗಡ್ ಕರುನ್ ವಿವಿಧ್ ಖೆಳ್ ಆನಿ Quiz ಚಲವ್ನ್ ವ್ಹೆಲೆಂ.
ಕಾರ್ಯದರ್ಶಿ ಲೆಜ್ಲಿತಾ ರೊಡ್ರಿಗಸಾನ್ ಪಿಕ್ನಿಕಾಕ್ ಆಧಾರ್ ದಿಲ್ಲ್ಯಾ ಸರ್ವಾಂಕ್ ಧನ್ಯಾವಾದ್ ಪಾಟಯ್ಲೆಂ. ಗೌರವ್ ಅಧ್ಯಕ್ಷ್ ಡೊಲ್ಫಿ ನಜ್ರೆತಾನ್ 36 ವರ್ಸಾಂ ಪಯ್ಲೆಂ UAE ಆಸ್ಲ್ಲ್ಯಾ ಮಾಲ್ಗಡ್ಯಾಂನಿ BCA ಸ್ಥಾಪನ್ ಕೆಲ್ಲೊ ಉದ್ದೇಶ್ ಆನಿ ಸಂಘಟನಾಚೊ ಪ್ರಮುಕ್ ಧ್ಯೇಯ್ ವಿವರಣ್ ಕರುನ್ ಸಂಘಟನಾಂತ್ ಮಾಲ್ಗಡ್ಯಾಂನಿ ದಿಲ್ಲ್ಯಾ ವಾವ್ರಾಕ್ ಶ್ಲಾಘನ್ ಕರುನ್, ಮುಕ್ಲ್ಯಾ ದಿಸಾಂನಿ ಬೈಂದೂರ್ ಫಿರ್ಗಜ್ಗಾರಾಂ ಸಾಂಗಾತಾ ಮೆಳ್ಚೆಂ ಆನಿ ಸಂಘಟನಾ ಥಾವ್ನ್ ಗರ್ಜೆವಂತಾಚಾ ಆಧಾರ್ ಪಾಂವ್ಚೆ ಉದ್ದೇಶ್ ಆನಿ ಧ್ಯೇಯ್ ಸದಾಂಚ್ ಜ್ಯಾರಿ ಆಸೊಂಕ್ ಉಲೊ ದಿಲೊ.
ಅಕ್ರೇಕ್ ಖೆಳಾಂತ್ ವಿಜೇತ್ ಜಾಲ್ಲ್ಯಾ ಪಂಗ್ಡಾಂಕ್ ಆನಿ Quiz ಸ್ಪರ್ದ್ಯಾಂತ್ ವಿಜೇತ್ ಜಾಲ್ಲ್ಯಾಂಕ್ ಇನಾಮಾಂ ವಾಂಟ್ಲೆ. ಸರ್ವಾಂನಿ ವ್ಹಡಾ ಉಲ್ಲಾಸಾನ್ ಪಿಕ್ನಿಕಾಚೊ ದೀಸ್ ಆಚರಣ್ ಕೆಲೊ.
