ಲಾಯಿಕಾಂಚೊ ಜುಬ್ಲೆವ್ ಆಚರಣ್

By ByndoorchiZalak, Pics: Lawrence Fernandes, 22 June 2025

ಬೈಂದೂರ್: 2025 ಜುಬ್ಲೆವ್ ವರ್ಸಾಚಾ ಸಂದರ್ಭಿ ಲಾಯಿಕಾಂಚೊ ಜುಬ್ಲೆವ್ ಆಚರಣ್ ಜಾವ್ನ್ ಫಿರ್ಗಜೆಂತ್ ಆನಿ ವಾಡ್ಯಾಂತ್ ಸೆವಾ ದಿಲ್ಲ್ಯಾ ಲಾಯಿಕಾಂಕ್ ತಶೆಂಚ್ ಘನಾಚೊ ಹುದ್ದೊ ಘೆವ್ನ್ ಸಾಧನ್ ಕೆಲ್ಲ್ಯಾ ಫಿರ್ಗಜೆಚಾ ಲಾಯಿಕ್ ಸಾಧಕಾಂಕ್ ಗೌರವ್ ಪಾಟಂವ್ಚೆ ಕಾರ್ಯಕ್ರಮ್ ಕಥೊಲಿಕ್ ಸಭಾ ಬೈಂದೂರ್ ಘಟಕಾನ್ ಆಯ್ತಾರಾ, ಜೂನ್ 22 ತಾರೀಕೆರ್ ಸಕಾಳಿಂಚಾ ಮೀಸಾ ಉಪ್ರಾಂತ್ ಮಾಂಡುನ್ ಹಾಡ್ಲೆಂ. ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊನ್ ಲಾಯಿಕಾಂಚೊ ಜುಬ್ಲೆವ್ ಆಚರಣಾಂ ಸಂದರ್ಭಿ ಫಿರ್ಗಜೆಂತ್ ಆನಿ ಸಮಾಜೆಂತ್ ಸೆವಾ ದಿಂವ್ಚ್ಯಾ ಸರ್ವ್ ಲಾಯಿಕ್ ಭಾವಾ-ಭಯ್ಣಿಂ ಖಾತಿರ್ ಮಾಗೊನ್ ಮೀಸಾಚಿ ಭೆಟವ್ಣಿಂ ಕೆಲೆಂ.
ಮೀಸಾ ಉಪ್ರಾಂತ್ ಕಥೊಲಿಕ್ ಸಭಾ ಬೈಂದೂರ್ ಘಟಕಾ ತರ್ಫೆನ್ ವಿಗಾರಾನ್ ಫಿರ್ಗಜೆಂತ್ ಆನಿ ವಾಡ್ಯಾಂತ್ ಸೆವಾ ದಿಲ್ಲ್ಯಾ ಲಾಯಿಕಾಂಕ್ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಮಾನ್ ಪಾಟಯ್ಲೆಂ. ಹ್ಯಾ ಸಂದರ್ಭಿ ಘನಾಚೊ ಹುದ್ದೊ ಘೆವ್ನ್ ಸಾಧನ್ ಕೆಲ್ಲ್ಯಾ ಡೊ. ರೋಶನ್ ಪಾಯಸ್, ಡೊ. ರಾಯನ್ ರೊಡ್ರಿಗಸ್, ಕ್ಯಾಪ್ಟನ್ ಜಾಕ್ ರೊಡ್ರಿಗಸ್ ಆನಿ ಡೊ. ಆಡ್ವೆನ್ಟಿನಾ ರೊಡ್ರಿಗಸ್ (ಡೊ. ಆಡ್ವೆನ್ಟಿನಾ ರೊಡ್ರಿಗಸಾಚಾ ತರ್ಫೆನ್ ತಿಚಾ ಆವಯ್ಕ್) ಶೊಲ್ ಪಾಂಗ್ರುನ್ ಆನಿ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಸನ್ಮಾನ್ ಕೆಲೆಂ.