By ByndoorchiZalak, Pics: Lawrence Fernandes, 15 June 2025
ಬೈಂದೂರ್: 2025 ಜುಬ್ಲೆವ್ ವರ್ಸಾಚಾ ಸಂದರ್ಭಿ ಸಾಂ ವಿಶೆಂತ್ ಪಾವ್ಲ್ ಸಂಘಟನಾಚಾ ಮುಕೇಲ್ಪಣಾರ್ ಆನಿ ಫಿರ್ಗಜ್ ದಾನಿಂಚಾ ಆಧಾರಾನ್ ಎಲ್ಲೂರ್ ಪ್ರಕಾಶ್ ಫೆರ್ನಾಂಡಿಸ್ ಆನಿ ಕುಟ್ಮಾಕ್ ನವ್ಯಾ ಘರ್ ಬಾಂದ್ಪಾಚೆ ಯೋಜನಾಚೆ ಸಹಕಾರ್ ಸಂಪೂರ್ಣ್ ಕರುನ್ ಆಯ್ತಾರಾ, ಜೂನ್ 15 ತಾರೀಕೆರ್ ಉಗ್ತಾವಣ್ ಕೆಲೆಂ.
ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ, ಸಾಂ ವಿಶೆಂತ್ ಪಾವ್ಲ್ ವಾರಾಡ್ಯಾ ಸಮಿತಿಚೊ ಅಧ್ಯಕ್ಷ್ ಆಂಟೊನಿ ಡಿ’ಸೋಜಾ, ಕಾರ್ಯದರ್ಶಿ ಐರಿನ್ ರೊಡ್ರಿಗಸ್, ಕೊವೆಂತಾಚಿ ವ್ಹಡಿಲ್ನ್ ಸಿ| ಆನ್ಸಿ ಪಾವ್ಲ್, ಫಿರ್ಗಜ್ ಮಂಡಳಿ ಉಪಾಧ್ಯಕ್ಷ್ ಸ್ತೇಫಾನ್ ಡಾಯಸ್, ಆಯೊಗಾಂಚಿ ಸಂಚಾಲಕಿ ಅನಿತಾ ನಜ್ರೆತ್ ಹಾಜರ್ ಆಸ್‍ಲ್ಲಿಂ. ಪ್ರಕಾಶ್ ಫೆರ್ನಾಂಡಿಸ್ ಕುಟ್ಮಾನ್ ಫಿಂತ್ ಕಾತರ್ನ್ ಘರಾಚೆ ಉಗ್ತಾವಣ್ ಕೆಲೆಂ. ವಿಗಾರ್ ಬಾಪಾಂನಿ ಪ್ರಾರ್ಥನ್ ಕರುನ್ ನವ್ಯಾ ಘರಾಚೆರ್ ಅಶೀರ್ವಚನ್ ಕೆಲೆಂ.
ಉಪ್ರಾಂತ್ ಚಲ್‍ಲ್ಲ್ಯಾ ಮಟ್ವ್ಯಾ ವೇದಿ ಕಾರ್ಯಕ್ರಮಾಂತ್ ಹಾಜರ್ ಆಸ್‍ಲ್ಲ್ಯಾ ಮಾನೇಸ್ತಾಂಕ್ ಆನಿ ಪ್ರಕಾಶ್ ಫೆರ್ನಾಂಡಿಸ್ ಕುಟ್ಮಾಕ್ ಸಾಂ ವಿಶೆಂತ್ ಪಾವ್ಲ್ ಸಂಘಟನಾಚೊ ಅಧ್ಯಕ್ಷ್ ಕ್ಲೆಮೆಂತ್ ಗ್ರಾಸಾನ್ ಗುಲೊಬ್ ದೀವ್ನ್ ಸ್ವಾಗತ್ ಕೆಲೆಂ. ವಿಗಾರಾನ್ ಪ್ರಕಾಶ್ ಫೆರ್ನಾಂಡಿಸ್ ಆನಿ ಕುಟ್ಮಾಕ್ ಸರ್ವ್ ಬರೆಂ ಮಾಗ್ಲೆಂ. ಕಾರ್ಯಕ್ರಮಾಕ್ ಫಿರ್ಗಜ್ ಗೊವ್ಳಿಕ್ ಮಂಡಳಿ, ವಾಡ್ಯಾಚೆ ಗುರ್ಕಾರ್ ಆನಿ ಪ್ರಕಾಶ್ ಫೆರ್ನಾಂಡಿಸ್ ಕುಟ್ಮಾಂಚಿ ಹಾಜರ್ ಆಸ್‍ಲ್ಲಿಂ.
ಡೊಮಿನಿಕ್ ಡಾಯಸಾನ್ ಜುಬ್ಲೆವ್ ಘರ್ ಬಾಂದ್ಪಾಚಾ ಯೋಜನಾಕ್ ಆಧಾರ್ ದಿಲ್ಲ್ಯಾ ದಾನಿಂಕ್ ಆನಿ ಉಗ್ತಾವಣ್ ಕಾರ್ಯಕ್ರಮಾಕ್ ಹಾಜರ್ ಆಸ್‍ಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ ಆನಿ ಸ್ಟೀಫನ್ ಫೆರ್ನಾಂಡಿಸಾನ್ ಕಾರ್ಯಕ್ರಮ್ ಚಲವ್ನ್ ವ್ಹೆಲೆಂ.
