By ByndoorchiZalak, Pics: Lawrence Fernandes, 04 Dec 2022
ಬೈಂದೂರ್: ದಸೆಂಬರ್ 4 ತಾರೀಕೆರ್ ಆಯ್ತಾರಾ ಸಾಂಜೆರ್ ಫಿರ್ಗಜ್ ಸಮುದಾಯೆಚೊ ದೀಸ್ ದಬಾಜಿಕ್ ಥರಾನ್ ಆಚರಣ್ ಜಾಲೆಂ. ಸಾಂಜೆರ್ 4:00 ವೊರಾರ್ ಫಿರ್ಗಜೆಚಾ ಸರ್ವ್ ಲೊಕಾಂನಿ ವ್ಹಡಾ ಭಕ್ತಿಪಣಾನ್ ಅರ್ಗಾಂ ಮೀಸಾಚೆ ಬಲಿದಾನ್ ಭೆಟಯ್ಲೆಂ. ಅರ್ಗಾಂ ಬಲಿದಾನ್ ಮೀಸಾ ಉಪ್ರಾಂತ್ ಸಭಾ ಕಾರ್ಯಕ್ರಮ್ ಆನಿ ಸಾಂಸ್ಕೃತಿಕ್ ಕಾರ್ಯೆಂ ವ್ಹಡಾ ಆಪುರ್ಬಾಯೆನ್ ಚಲ್ಲೆಂ. ಸಭಾ ಕಾರ್ಯಕ್ರಮಾಂತ್ ಮುಕೆಲ್ ಸಯ್ರೆಂ ಜಾವ್ನ್ ಉಡುಪಿ ದಿಯೆಸೆಜ್ ಲ್ಹಾನ್ ಕ್ರೀಸ್ತಾಂವ್ ಸಮುದಾಯ್ ಆಯೋಗಾಚೊ ದಿರೆಕ್ತೊರ್ ಮಾ| ಬಾ| ಹೆರಾಲ್ಡ್ ಪಿರೇರಾ, ಕುಂದಾಪುರ್ ವಾರಾಡೊ ವಿಗಾರ್ ಮಾ| ಬಾ| ಸ್ಟ್ಯಾನಿ ತಾವ್ರೊ, ಕುಂದಾಪುರ್ ವಾರಾಡೊ ಲ್ಹಾನ್ ಕ್ರೀಸ್ತಾಂವ್ ಸಮುದಾಯ್ ಆಯೋಗಾಚೊ ದಿರೆಕ್ತೊರ್ ಮಾ| ಬಾ| ಅಲ್ಫೊನ್ಸ್ ಡಿಲೀಮಾ, ಸಭಾ ಕಾರ್ಯಕ್ರಮಾಚೊ ಆಧ್ಯಕ್ಷ್ ಜಾವ್ನ್ ಫಿರ್ಗಜ್ ವಿಗಾರ್ ಮಾ| ವಿನ್ಸೆಂಟ್ ಕುವೆಲ್ಲೊ, ಕೊವೆತಾಂಚಿ ವ್ಹಡಿಲ್ ಸಿ| ಆನ್ಸಿ ಪಾವ್ಲ್, ಫಿರ್ಗಜ್ ಮಂಡಳಿ ಉಪಾಧ್ಯಕ್ಷ್ ಸ್ಟ್ಯಾನಿ ಡಾಯಸ್, ಕಾರ್ಯದರ್ಶಿ ಅನಿತಾ ನಜ್ರೆತ್, 20 ಆಯೋಗಾಂಚಿ ಸಂಚಾಲಕಿ ಮೇಬಲ್ ನಜ್ರೆತ್ ವೆದಿಚೆರ್ ಹಾಜರ್ ಆಸ್‍ಲ್ಲಿಂ.
ಕಾರ್ಯಕ್ರಮಾಕ್ ಫಿರ್ಗಜ್ ಮಂಡಳಿ ಕಾರ್ಯದರ್ಶಿ ಅನಿತಾ ನಜ್ರೆತಾನ್ ಸ್ವಾಗತ್ ಕೆಲೆಂ. 1999 ಇಸ್ವೆಂತ್ ಫಿರ್ಗಜೆಂತ್ ಸ್ಥಾಪನ್ ಜಾಲ್ಲ್ಯಾ ಲ್ಹಾನ್ ಕ್ರೀಸ್ತಾಂವ್ ಸಮುದಾಯ್ ಚಲೊನ್ ಆಯಿಲ್ಲಿಂ ಮಟ್ವಿ ಝಳಕ್ ಸಿರಿಲ್ ರೆಬೆರೊನ್ ಸಭೆಚೆರ್ ದವರ್ಲಿಂ. ಸಭಾ ಕಾರ್ಯಕ್ರಮಾಂತ್ ಸರ್ವ್ ವಾಡ್ಯಾಚಾ ಗುರ್ಕಾರಾಂಕ್ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಮಾನ್ ಕೆಲೆಂ. ಕಾರ್ಯಕ್ರಮಾಕ್ ಆಧಾರ್ ದಿಲ್ಲ್ಯಾ ಸರ್ವ್ ದಾನಿಂಕ್ ಸನ್ಮಾನ್ ಕೆಲೆಂ. ಸಮುದಾಯೆಚೊ ದೀಸ್ ಆಚರಣ್ ಕರ್ಚ್ಯಾ ವಗ್ತಾ ಮಾಂಡುನ್ ಹಾಡ್‍ಲ್ಲ್ಯಾ ವಿವಿಧ್ ಖೆಳಾ ಸ್ಪರ್ಧ್ಯಾಂತ್ ವಿಜೇತ್ ಜಾಲ್ಲಾಂಕ್ ವೆದಿಚೆರ್ ಹಾಜರ್ ಆಸ್‍ಲ್ಲ್ಯಾ ಮಾನೆಸ್ತಾಂನಿ ಇನಾಮಾಂ ವಾಂಟುನ್ ಅಭಿನಂದನ್ ಪಾಟಯ್ಲೆಂ.
ವಿಗಾರ್ ಮಾ| ಬಾ| ವಿನ್ಸೆಂಟ್ ಕುವೆಲ್ಲೊ, ಉಡುಪಿ ದಿಯೆಸೆಜ್ ಲ್ಹಾನ್ ಕ್ರೀಸ್ತಾಂವ್ ಸಮುದಾಯ್ ಆಯೋಗಾಚೊ ದಿರೆಕ್ತೊರ್ ಮಾ| ಬಾ| ಹೆರಾಲ್ಡ್ ಪಿರೇರಾ, ಕುಂದಾಪುರ್ ವಾರಾಡೊ ವಿಗಾರ್ ಮಾ| ಬಾ| ಸ್ಟ್ಯಾನಿ ತಾವ್ರೊ, ಕುಂದಾಪುರ್ ವಾರಾಡೊ ಲ್ಹಾನ್ ಕ್ರೀಸ್ತಾಂವ್ ಸಮುದಾಯ್ ಆಯೋಗಾಚೊ ದಿರೆಕ್ತೊರ್ ಮಾ| ಬಾ| ಅಲ್ಫೊನ್ಸ್ ಡಿಲೀಮಾ ಯಾಜಕ್ ಬಾಪಾಂನಿ ಸಮುದಾಯೆಚೊ ದೀಸ್ ಆಚರಣ್ ಕರ್ಚ್ಯಾ ವಗ್ತಾಂ ಸರ್ವ್ ಫಿರ್ಗಜ್ ಲೊಕಾಂಕ್ ಉಲ್ಲಾಸಾಂಚಾ ಉತ್ರಾಂ ದ್ವಾರಿಂ ಅಭಿನಂದನ್ ಕರುನ್ ಸಂದೇಶ್ ಪಾಟಯ್ಲೆಂ. ಸಗ್ಳ್ಯಾ ಕಾರ್ಯಕ್ರಮಾಕ್ ಆಧಾರ್ ದಿಲ್ಲ್ಯಾ ಸರ್ವಾಂಕ್ 20 ಆಯೋಗಾಚಿ ಸಂಚಾಲಕಿ ಮೇಬಲ್ ನಜ್ರೆತಾನ್ ಧನ್ಯವಾದ್ ಪಾಟಯ್ಲೆಂ.
ಉಪ್ರಾಂತ್ ಫಿರ್ಗಜೆಚಾ ಸಂಘ್-ಸಂಸ್ಥೆ ಆನಿ ವಾಡ್ಯಾಗಾರಾಂ ಥಾವ್ನ್ ವಿವಿಧ್ ಸಾಂಸ್ಕೃತಿಕ್ ಕಾರ್ಯಕ್ರಮ್ ಚಲ್ಲೆಂ. ರೋಶನ್ ರೊಡ್ರಿಗಸ್ ಆನಿ ವೀಣಾ ಫೆರ್ನಾಂಡಿಸಾನ್ ಕಾರ್ಯಕ್ರಮ್ ಚಲಚ್ನ್ ವ್ಹೆಲೆಂ.
