ಆಶುಭಾಷಣ ಸ್ಪರ್ಧೊ ಪ್ರಶಸ್ತಿ ವಿಜೇತ್ ಆಶಾ ವೀಣಾ ಡಾಯಸಾಕ್ ಸನ್ಮಾನ್ ಆನಿ CBSE 2nd PUC Toppers ನೆರಿಸ್ಸಾ ಡಾಯಸ್, ಮಾರಿಯಾ ರೆಬೆರಿಯೊಕ್ ಅಭಿನಂದನ್

By ByndoorchiZalak, Pics: Lawrence Fernandes, 24 May, 2026

ಬೈಂದೂರ್: ಕರ್ನಾಟಕ ರಾಜ್ಯ ಶಿಕ್ಷಣ ಪರಿಷತ್ತು, ಮೈಸೂರು ಹಾಣಿಂ ಮಾಂಡುನ್ ಹಾಡ್‍ಲ್ಲ್ಯಾ ಆಶುಭಾಷಣ (Extempore Speech) ಸ್ಪರ್ಧ್ಯಾಂತ್ ದುಸ್ರೆಂ ಪಾವ್ಟಿಂ ರಾಜ್ಯ್ ಮಟ್ಟಾರ್ ಪ್ರಶಸ್ತಿ ಆಪ್ಣಾಯ್ಲ್ಯಾ ಆಶಾ ವೀಣಾ ಡಾಯಸಾಕ್ ಫಿರ್ಗಜೆ ತರ್ಫೆನ್ ವಿಗಾರ್ ಡೆನ್ನಿಸ್ ಡಿ’ಸೋಜಾನ್ ಶೊಲ್ ಪಾಂಗ್ರುನ್ ಆನಿ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಸನ್ಮಾನ್ ಕೆಲೆಂ, ತಶೆಂಚ್ CBSE 2nd PUC ಪರೀಕ್ಷೆಂತ್ ಉತ್ತೀಮ್ ಅಂಕ್ ಜೊಡುನ್ ಸಾಧನ್ ಕೆಲ್ಲ್ಯಾ ನೆರಿಸ್ಸಾ ಡಾಯಸ್ ಆನಿ ಮಾರಿಯಾ ರೆಬೆರಿಯೊಕ್ ವಿಗಾರಾನ್, ಕೊವೆಂತಾಚಿ ವ್ಹಡಿಲ್ನ್ ಸಿ| ಆನ್ಸಿ ಪಾವ್ಲ್, ಫಿರ್ಗಜ್ ಗೊವ್ಳಿಕ್ ಮಂಡಳಿ ಉಪಾಧ್ಯಕ್ಷ್ ಸ್ತೇಫಾನ್ ಡಾಯಸ್, ಕಾರ್ಯದರ್ಶಿ ವೀಣಾ ಫೆರ್ನಾಂಡಿಸ್ ಆನಿ ಆಯೋಗಾಚಿ ಸಂಯೋಜಕಿ ಜೊಸ್ಪಿನ್ ರೊಡ್ರಿಗಸಾನ್ ಗುಲೊಬ್ ದೀವ್ನ್ ಆನಿ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಅಭಿನಂದನ್ ಪಾಟಯ್ಲೆಂ.