By ByndoorchiZalak, Pics: Lawrence Fernandes, 15 March, 2026
ಬೈಂದೂರ್: ಫಿರ್ಗಜೆಚಾ ಕಥೊಲಿಕ್ ಸ್ತ್ರೀ ಸಂಘಟನ್ ಆನಿ ಆರಾಧನಾ ಮಹಾಸಂಘ ಹಾಂಚಾ ಸಾಂಗತ್ಪಣಾರ್ ಆಯ್ತಾರಾ, ಮಾರ್ಚ್ 15 ತಾರೀಕೆರ್ ಫಿರ್ಗಜೆಚಾ ಮಿನಿ ಹೊಲಾಂತ್ ಸ್ತ್ರೀಯಾಂಚೊ ದೀಸ್ ಆಚರಣ್ ಕೆಲೊ. ಹ್ಯಾ ಕಾರ್ಯಕ್ರಮಾಂತ್ ವಿಗಾರ್ ಬಾಪ್ ವಿನ್ಸೆಂಟ್ ಕುವೆಲ್ಲೊ, ಸಹಾಯಕ್ ಯಾಜಕ್ ಬಾ| ಪೃಥ್ವಿ ರೊಡ್ರಿಗಸ್, ಕೊವೆಂತಾಚಿ ಧರ್ಮ್ ಭಯ್ಣ್, ಕುಂದಾಪುರ್ ವಾರಾಡೊ ಕಥೊಲಿಕ್ ಸ್ತ್ರೀ ಸಂಘಟನಾಚಿ ಅಧ್ಯಕ್ಷ್ ಶರ್ಮಿಳಾ ಬಾರೆಟ್ಟೊ, ಫಿರ್ಗಜ್ ಮಂಡಳಿ ಉಪಾಧ್ಯಕ್ಷ್ ಸ್ತೇಫಾನ್ ಡಾಯಸ್, ಕಾರ್ಯದರ್ಶಿ ವೀಣಾ ಫೆರ್ನಾಂಡಿಸ್, ವಿವಿಧ್ ಆಯೋಗಾಂಚಿ ಸಂಯೋಜಕಿ ಜೊಸ್ಪಿನ್ ರೊಡ್ರಿಗಸ್ ಆನಿ ಮೊತಿಯಾಂ ಪ್ರತಿನಿಧಿ ಫ್ಲಾವಿಯಾ ರೆಬೆಲ್ಲೊ ಹಾಜರ್ ಆಸ್ಲ್ಲಿಂ.
ಕಾರ್ಯಕ್ರಮಾಕ್ ಕಥೊಲಿಕ್ ಸ್ತ್ರೀ ಸಂಘಟನ್ ಅಧ್ಯಕ್ಷ್ ಜುಲಿಯೆಟ್ ಲೋಬೊನ್ ಸ್ವಾಗತ್ ಕೆಲೆಂ. ಕಾರ್ಯದರ್ಶಿ ಎಫಿಫಾನಿಯಾ ಅಲ್ಮೇಡಾನ್ ಸಂಘಟನಾಚೆ ವಾರ್ಷಿಕ್ ವರ್ದಿ ವಾಚುನ್ ಸಾಂಗ್ಲೆ. ಸ್ತ್ರೀಯಾಂನಿ ವಿವಿಧ್ ಮನೋರಂಜನ್ ಪ್ರದರ್ಶನ್ ಕೆಲೆಂ. ಬಾ| ಪೃಥ್ವಿ ರೊಡ್ರಿಗಸಾನ್ ಸ್ತ್ರೀಯಾಂ ಖಾತಿರ್ ಖೆಳ್ ಚಲವ್ನ್ ವ್ಹೆಲೆಂ.
ಕಥೊಲಿಕ್ ಸ್ತ್ರೀ ಸಂಘಟನಾಚಿ ಸಹ-ಕಾರ್ಯದರ್ಶಿ ಫಾತಿಮಾ ರೆಬೆರೊನ್ ಕಾರ್ಯಕ್ರಮಾಕ್ ಆಧಾರ್ ದಿಲ್ಲ್ಯಾ ಸರ್ವಾಂಕ್ ಧನ್ಯವಾದ್ ಪಾಟಯ್ಲೆಂ ಆನಿ ಅಶಾ ಲೋಬೊನ್ ಕಾರ್ಯಕ್ರಮ್ ಚಲವ್ನ್ ವ್ಹೆಲೆಂ.
