By ByndoorchiZalak, Pics By Lawrence Fernandes, 5th October, 2025
ಬೈಂದೂರ್: ಕಥೊಲಿಕ್ ಸಭಾ ಉಡುಪಿ ಪ್ರದೇಶ್ (ರಿ). ಬೈಂದೂರ್ ಘಟಕಾ ಥಾವ್ನ್ ಫಿರ್ಗಜೆಚಾ ಪ್ರತಿಭಾವಂತ್ ಭುರ್ಗ್ಯಾಂಕ್ ಪ್ರತಿಭಾ ಪುರಸ್ಕಾರ್ ಆನಿ ಭಾಷಣ್ ಸ್ಪರ್ಧ್ಯಾಂತ್ ವಿಜೇತ್ ಜಾಲ್ಲ್ಯಾಂಕ್ ಇನಾಮಾಂ ವಾಂಟ್ಚೆ ಕಾರ್ಯಕ್ರಮ್ ಆಯ್ತಾರಾ, ಅಕ್ತೋಬರ್ 5 ತಾರೀಕೆರ್ ಫಿರ್ಗಜೆಚಾ ಮಿನಿ ಹೊಲಾಂತ್ ಚಲ್ಲೆಂ.
ಫಿರ್ಗಜೆಚಾ ನೆಣ್ತುಲ್ಯಾಂ ಭುರ್ಗ್ಯಾಂನಿ ಸ್ವಾಗತ್ ನೃತ್ಯ್ ಕರುನ್ ಕಾರ್ಯಕ್ರಮಾಕ್ ಸುರ್ವಾತ್ ಕೆಲೆಂ. ಕಾರ್ಯಕ್ರಮಾಚೆ ಅಧ್ಯಕ್ಷ್ ಜಾವ್ನ್ ಫಿರ್ಗಜ್ ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ, ಮುಕೆಲ್ ಸಯ್ರೆಂ ಜಾವ್ನ್ ಕಥೊಲಿಕ್ ಸಭಾ ಕುಂದಾಪುರ್ ವಾರಾಡ್ಯಾಚೆ ಅಧ್ಯಕ್ಷ್ ರೆಮಿ ಫೆರ್ನಾಂಡಿಸ್, ಕಥೊಲಿಕ್ ಸಭಾ ಕುಂದಾಪುರ್ ವಾರಾಡ್ಯಾಚೆ ಆದ್ಲೊ ಅಧ್ಯಕ್ಷ್ ಆನಿ ಕಥೊಲಿಕ್ ಸಭಾ ಬೈಂದೂರ್ ಘಟಕಾಚೆ ಮಾರ್ಗದರ್ಶಕ್ ವಿಲ್ಸನ್ ಆಲ್ಮೇಡಾ, ಫಿರ್ಗಜ್ ಮಂಡಳಿ ಉಪಾಧ್ಯಕ್ಷ್ ಸ್ತೇಫಾನ್ ಡಾಯಸ್, ಕಾರ್ಯದರ್ಶಿ ವೀಣಾ ಫೆರ್ನಾಂಡಿಸ್, ಆಯೋಗಾಚಿ ಸಂಯೋಜಕಿ ಅನಿತಾ ನಜ್ರೆತ್, ಕೊವೆಂತಾಚಿ ಧರ್ಮ್ಭಯ್ಣ್ ಆನಿ ಕಥೊಲಿಕ್ ಸಭಾ ಬೈಂದೂರ್ ಘಟಕಾಚೊ ಅಧ್ಯಕ್ಷ್ ಪ್ರದೀಪ್ ಫೆರ್ನಾಂಡಿಸ್ ವೆದಿಚೆರ್ ಹಾಜರ್ ಆಸ್ಲ್ಲಿಂ.
ಪಿ.ಯು.ಸಿ., ಡಿಗ್ರಿ ಆನಿ ಸ್ನಾತಕೋತ್ತರ್ ಪದ್ವಿ ಶಿಕ್ಷಣಾಂತ್ ಉತ್ತಮ್ ಅಂಕ್ ಜೊಡ್ಲ್ಲ್ಯಾ ವಿದ್ಯಾರ್ಥಿಂಕ್ ಪ್ರಶಸ್ತಿ ಪತ್ರ್ ಆನಿ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಪುರಸ್ಕಾರ್ ಕೆಲೆಂ. ಕಥೊಲಿಕ್ ಸಭಾ ಬೈಂದೂರ್ ಘಟಕಾನ್ ಮಾಂಡುನ್ ಹಾಡ್ಲ್ಲ್ಯಾ ಭಾಷಣ್ ಸ್ಪರ್ಧ್ಯಾಂತ್ ವಿಜೇತ್ ಜಾಲ್ಲ್ಯಾಂಕ್ ಇನಾಮಾಂ ವಾಂಟ್ಲೆ.
ಕಾರ್ಯಕ್ರಮಾಕ್ ಕಥೊಲಿಕ್ ಸಭಾ ಅಧ್ಯಕ್ಷ್ ಪ್ರದೀಪ್ ಫೆರ್ನಾಂಡಿಸಾನ್ ಸ್ವಾಗತ್ ಕೆಲೆಂ, ರಾಜಕೀಯ್ ಸಂಚಾಲಕ್ ರೊನಾಲ್ಡ್ ನಜ್ರೆತಾನ್ ಧನ್ಯವಾದ್ ಪಾಟಯ್ಲೆಂ ಆನಿ ಕಥೊಲಿಕ್ ಸಭಾ ಕಾರ್ಯದರ್ಶಿ ಆಶಾ ಲೋಬೊನ್ ಕಾರ್ಯಕ್ರಮ್ ಚಲವ್ನ್ ವ್ಹೆಲೆಂ.
