By ByndoorchiZalak, Pics By Lawrence Fernandes, 21st September, 2025
ಬೈಂದೂರ್: ದುಃಖಿ ಸಾಯ್ಭಿಣಿಚಾ ಮಾನಾಕ್ ಸಾತ್ ದೀಸ್ ಮರಿಯೆಚಿ ದುಃಖ್ ನಿಯಾಳುನ್ ಆಜ್ ಸಕಾಳಿಂ ಸರ್ವ್ ಫಿರ್ಗಜ್ ಲೊಕಾನ್ ದುಃಖಿ ಸಾಯ್ಭಿಣಿಚೆಂ ಪರಬ್ ಆಚರಣ್ ಕೆಲೆಂ. ಪವಿತ್ರ್ ಬಲಿದಾನಾಚೆ ಪ್ರಧಾನ್ ಯಾಜಕ್ ಜಾವ್ನ್ ಉಡುಪಿ ದಿಯೆಸೆಜ್ ಉಜ್ವಾಡ್ ಪತ್ರಾಚೊ ಸಂಪಾದಕ್ ಬಾ| ಆಲ್ವಿನ್ ಸಿಕ್ವೇರಾ, ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ, ಬಾ| ಒಲಿವರ್ ನಜ್ರೆತ್ ಆನಿ ಬಾ| ಫೆರೆಲ್ ಫೆರ್ನಾಂಡಿಸ್ ಸಾಂಗಾತಾ` ಸಂಭ್ರಮೀಕ್ ಮಿಸಾಚೆ ಬಲಿದಾನ್ ಭೆಟಯ್ಲೆಂ. ಮರಿಯೆನ್ ತಿಚೆ ದೂಕ್ ಧಯ್ರಾನ್ ಸೊಸ್ಲೆ, ಆಮ್ಚ್ಕ್ಯಾ ಜಿವಿತಾಂತ್ ಕಷ್ಟ್, ದೂಖ್ ಸೊಸ್ಣಿಕಾಯೆನ್ ವ್ಹರುಂಕ್ ತಿ ಜಾವ್ನಾಸಾ ಆಮ್ಕಾಂ ಆದರ್ಶ್, ತಿಚೆ ಆದರ್ಶ್ ಘೆವ್ನ್ ಆಮಿ ಹರ್ಯೇಕಾ ದಿಸಾ ಖುರ್ಸಾಲಾಗಿಂ ಮ್ಹಾಕಾ ವ್ಹರ್, ಥಂಯ್ಸರ್ ಆಸಾ ಮ್ಹಜೆ ಘರ್ ಹ್ಯಾ ಉತ್ರಾಂಚೊ ಸಂದೇಶ್ ಬಾ| ಆಲ್ವಿನ್ ಸಿಕ್ವೇರಾನ್ ಆಪ್ಲ್ಯಾ ಸೆರ್ಮಾವಾಂತ್ ದಿಲೊ. ಆಗ್ನೇಲ್ ಆನಿ ಜ್ಯೋತಿ ಲೋಬೊ ಕುಟಾಮ್ ಫೆಸ್ತಾಚೆ ಪಿರ್ಜೆಂತ್ ಜಾವ್ನಾಸ್ಲ್ಲೆಂ.
