by Byndoorchizalak, Pics: Lawrence Fernandes, 8th September, 2025
ಬೈಂದೂರ್: ಮರಿಯೆ ಮಾಯೆಚೆ ಜಲ್ಮಾಂ ಪರಬ್ ಆನಿ ಕುಟ್ಮಾಚೆ ಫೆಸ್ತ್ ಮೊಂತಿ ಫೆಸ್ತಾಚೊ ಸಂಭ್ರಮ್ ಆಜ್ ಸಕಾಳಿಂ ಸರ್ವ್ ಫಿರ್ಗಜ್ ಲೊಕಾನ್ ವ್ಹಡಾ ಸಂಭ್ರಮಾನ್ ಆಚರಣ್ ಕೆಲೆಂ. ಸಕಾಳಿಂ ಇಗರ್ಜೆ ಇಸ್ಕೊಲಾಂತ್ ಸರ್ವ್ ಫಿರ್ಗಜ್ಗಾರಾಂ ಸಾಂಗಾತಾ ಮೆಳೊನ್ ಶೆತಾಂತ್ ಜಾಲ್ಲೆಂ ನವೆಂ ಬೆಳೆಂ ಭಾತಾಚೆಂ ಕಣ್ಶ್ಯೊಂ ವಿಗಾರಾನ್ ಬೆಂಜಾರ್ ಕರುನ್ ದೆವಾಕ್ ಅರ್ಗಾಂ ಪಾಟಯ್ಲೆಂ. ಬಾಳೊಕ್ ಮರಿಯೆಕ್ ಹೊಗಳ್ಸುನ್ ಲ್ಹಾನಾ ಭುರ್ಗ್ಯಾಂನಿ ಫುಲಾಂ ಅರ್ಪಣ್ ಕೆಲೆಂ. ಉಪ್ರಾಂತ್ ಇಗರ್ಜೆ ಇಸ್ಕೊಲಾಂ ಥಾವ್ನ್ ಇಗರ್ಜೆಕ್ ಪುರ್ಶ್ಯಾಂವ್ ಕರುನ್ ದೇವ್ ಮಂದಿರಾಂತ್ ಸಂಭ್ರಮೀಕ್ ಮೀಸಾಚೆ ಬಲಿದಾನ್ ಭೆಟಯ್ಲೆಂ. ಸಂಭ್ರಮೀಕ್ ಬಲಿದಾನಾಂತ್ ಪ್ರಧಾನ್ ಯಾಜಕ್ ಜಾವ್ನ್ ಉಡುಪಿ ದಿಯೆಸೆಜ್ ಸುವಾರ್ತಾ ಆನಿ ಪರ್ಗಟ್ಣಿ ಆಯೋಗ್ ತಶೆಂಚ್ ದೇವ್ ಆಪೊವ್ಣ್ಯಾಚೊ ದಿರೆಕ್ತೊರ್ ಬಾ| ಅಶ್ವಿನ್ ಆರಾನ್ಹಾ, ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ ಆನಿ ದಿಯಾಕೊನ್ ಪೃಥ್ವಿ ರೊಡ್ರಿಗಸ್ ಹಾಂಚಾ ಸಾಂಗಾತಾ ಸರ್ವ್ ಫಿರ್ಗಜ್ ಲೊಕಾನ್ ಮೀಸಾಚೆ ಬಲಿದಾನ್ ಭೆಟಯ್ಲೆಂ.
ಮೀಸಾ ಉಪ್ರಾಂತ್ ನೊವೆನಾಚಾ ದಿಸಾಂನಿ ಆನಿ ಮೊಂತಿ ಫೆಸ್ತಾಕ್ ಆಧಾರ್ ದಿಲ್ಲ್ಯಾ ಸರ್ವಾಂಚೊ ವಿಗಾರಾನ್ ಉಪ್ಕಾರ್ ಬಾವುಡ್ಲೊ.
