[ನೆವಿಲ್ ಫೆರ್ನಾಂಡಿಸ್, ಉಪ್ಪುಂದ ಪಾಟ್ಲ್ಯಾ ಥೊಡ್ಯಾ ವರ್ಸಾಂ ಥಾವ್ನ್ ಲ್ಹಾನ್ ಕಾಣಿಯೊ ವಿಭಿನ್ನ್ ಲೇಖನಾಂ, ಕೊಂಕ್ಣಿ ಪತ್ರಾರ್ ಆನಿ ಫೇಸ್ ಬುಕಾರ್ ತವಳ್, ತವಳ್ ಫಾಯ್ಸ್ ಕರುನ್ ಕೊಂಕ್ಣಿ ಸಾಹಿತ್ಯ್ ವಾವ್ರಾಂತ್ ವಿಶೇಸ್ ಹುಮೆದ್ ದಿವ್ನ್ ಆಸಾ. ಪ್ರಸ್ತುತ್ ದೊಹಾ-ಖತಾರಾಂತ್ ವಾವ್ರ್ ಕರುನ್ ಆಸಾ. ನೇವಿಲಾನ್ ಹ್ಯಾ ಲೇಖನಾಂತ್ ಗಲ್ಫಾಂತ್ ಘೊಳೊನ್ ಆಸ್ಚ್ಯಾ ಬಾಪಯ್ಚಿ ಖರಿಂ ಭೊಗ್ಣಾಂ ಆನಿ ಗಾಂವಾಂತ್ ಆಸ್ಚ್ಯಾ ಥೊಡ್ಯಾ ಬಾಪಯಾಂನಿ ಕುಟ್ಮಾಚೆ ದೆಸ್ವಾಟ್ ಕರುನ್ ಆಸ್ಚೆಂ ದೋನ್ ವ್ಯತ್ಯಾಸ್ ಥೊಡ್ಯಾಚ್ ಉತ್ರಾಂನಿ ಬೋವ್ ಆಪುರ್ಬಾಯೆನ್ ಹಾಂಗಾಸರ್ ದಾಖವ್ನ್ ದಿಲಾಂ]
ವ್ಯತ್ಯಾಸ್
ಮ್ಹಜೆ ಖಾತಿರ್ ಹಾಂವ್ ಜಿಯೆನಾ ತರ್ ಕಿತೆಂ ಪಾಯ್ದೋ? ತುಜೊಚ್ ತುಂ ಮೋಗ್ ಕರ್ತಾಯ್ ತರ್ ಕಿತೆಂ ಪಾಯ್ದೊ? ಜಿಯೆಂ ದುಸ್ರ್ಯಾ ಖಾತಿರ್, ಮೋಗ್ ಕರ್ ಪೆಲ್ಯಾಚೊ. ತಾಣಿಂ ತುಜೆ ಮಿನ್ಹತೆ ಥಾವ್ನ್ ಹಾಸೊನ್ ಖೆಳೊನ್ ಸಂತೊಸಾನ್ ಆಸಾತ್ ತರ್ ತುಜೆಂ ಜೀವನ್ ಸಾರ್ಥಕ್ ಜಾತಲೆಂ. ಕುಟ್ಮಾದಾರಾಂಚಾ ಖುಶೆಕ್ ಲಾಗೊನ್ ಸಾತ್ ದರ್ಯಾ ಪಯ್ಸ್ ಜಿಯೆಂವ್ಚೆ. ಸಾಂಗಾತಾ ಆಮಿ ನಾಂತ್ ಮ್ಹಣ್ ಬೆಜಾರಾಯ್ ತರೀ ತಾಂಚಾ ಸುಖಾಕ್ ಲಾಗೊನ್ ಪರ್ದೆಶಾಚಾ ಗಾವಾಂತ್ ದೀಸ್ ರಾತ್ ಘೊಳ್ಚೆಂ, ಕಷ್ಟ್ ಸೊಸ್ಚೆ ಧಂಡೆಚೆ ಯಾ ಗರ್ಮೆಚೆ ದೀಸ್ ಖಂಚೆಯೀ ಪರ್ವಾನಾಸ್ತಾನಾ ಸರ್ವ್ ಆಪ್ಣಾಚೆರ್ ಪಾತ್ಯೆಣಿ ದವರ್ನ್ ಜಿಯತಲ್ಯಾ ಖಾತಿರ್, ತಾಂಚಾ ಬರ‍್ಯಾಪಣಾ ಖಾತಿರ್ ತಾಂಕಾ ಬರಿ ಸವ್ಲತಾಯ್ ಮೆಳೊಂ ಮ್ಹಳ್ಳ್ಯಾ ಖಾತಿರ್ ಕರ್ಚೊ ತ್ಯಾಗ್. ಹ್ಯಾ ಸರ್ವ್ ಕಷ್ಟಾಂ ಮಧೆಂ ತಾಚೆ ಥಾವ್ನ್ ಸಂತೊಸಾನ್ ಆಸ್ಚಿಂ ಚಾರ್ ತೋಂಡಾ ಪೊಳೆತಾನಾ ತಾಚೆ ಸರ್ವ್ ಕಷ್ಟ್-ದುಃಖ್ ತೊ ವಿಸ್ರತಾ.....
ಸರ್ವ್ ಸೊಡ್ನ್ ಖಂತ್ ಹುಸ್ಕೊ ನಾಸ್ತಾ ಆಪುಣ್ ಆಪ್ಣಾಕ್ ಮ್ಹಣ್ ಜೊಡ್ ಲ್ಲೊ ದುಡು ಗಡಂಗಾಂತ್ ಬೊಸೊನ್ ನಾಕ್ ಭರ್ ಪಿಯೇವ್ನ್, ಇಸ್ಪಿಟಾಂ, ಜುಗಾರ್ ಖೆಳೊನ್ ವಿಭಾಡ್ಚೊ ದುಡು, ಆಪ್ಲ್ಯಾಚ್ ಖುಶೆನ್ ಜಿಂಯೆಂವ್ಚೆ, ಘರಾಂತ್ ಭುಕೆನ್ ಚಾರ್ ತೋಂಡಾ ವಳ್ವಳೆ ಭೊಗ್ತಾಸ್ತಾನಾಯಿ, ಕಿತೆಂಯಿ ಲ್ಹಾನ್ ಚೂಕ್ ಮೆಳ್ಳಿಂ ತರ್ ಆಪುಣ್ ತುಮ್ಕಾಂ ಪೊಸ್ತಾ ಮ್ಹಣ್ ಹಂಕಾರಾನ್ ತಾಂಚೆರ್ ವ್ಯರ್ಥ್ ದಬಾವ್ ಘಾಲುನ್, ಭಾಯ್ಲ್ಯಾ ಸಂಸಾರಾಕ್ ಆಪುಣ್ ಬರೊ ಮ್ಹಣ್ ದಾಖವ್ನ್ ಘರಾಂತ್ ಸಯ್ತಾನಾಚಿ ಕಾಮಾಂ ದಾಖಂವ್ಚೆ. ಕುಟ್ಮಾಚೊ ವ್ಹಡಿಲ್ ಅಶೆಂ ತರ್, ಬಾಯ್ಲ್-ಭುರ್ಗ್ಯಾಂಚೆ ಅನ್ಯೇಕಾ ಥರಾಂಚೆ ಚಿಂತಾಪ್ ಆಶೆಲ್ಲೆಂ ಮೆಳೊಂಕ್ ನಾ, ಚಿಂತ್ ಲ್ಲೆಂ ಘಡೊಂಕ್ ನಾ ತಾಣೆ ಮ್ಹಾಕಾ ದುಖಯ್ಲೆಂ ಮ್ಹಣ್ ಸಗ್ಳೆಂ ಸಂಪದ್ಲೆ ಮ್ಹಣ್ ಧಯ್ರ್ ಸಾಂಡೊನ್ ಜಿವ್ಘಾತಾಕ್ ಆಶೆಂವ್ಚೆ, ಭುರ್ಗ್ಯಾಂನಿ ಬಾಪುಯ್ ಕ್ರೂರ್ ಮ್ಹಣೊನ್ ಅನೀತಿಚಿ ವಾಟ್ ಧರುನ್ ಆಪ್ಣಾಚಾ ಖುಶೆ ಪ್ರಕಾರ್ ಜಿಯೆಂವ್ಚೆ, ಕಾಳೊಕಾಚಾ ವಾಟೆಂತ್ ಸಾಸ್ಪೊನ್ ಜಿವೀತ್ ಜಳೊನ್ ಘೆವ್ನ್ ಅರ್ದ್ಯಾರ್ ಜೀವನ್ ಸಂಪೊವ್ನ್ ಸಗ್ಳೆಂ ಕುಟಾಮ್ ದೆಸ್ವಾಟ್..... ಜರ್ ಕುಟ್ಮಾಚೊ ವ್ಹಡಿಲ್ ಜವಾಬ್ದಾರಿ ಪಾಳ್ನ್ ಆಯಿಲ್ಲೊ ತರ್ ಅಶೆಂ ಘಡ್ತೆನಾಂ..........
ನೆವಿಲ್ ಫೆರ್ನಾಂಡಿಸ್, ಉಪ್ಪುಂದ