By ByndoorchiZalak, Pics: Lawrence Fernandes, 10 March 2024
ಬೈಂದೂರ್: ಮಾರ್ಚ್ 10 ತಾರೀಕೆರ್ ಆಯ್ತಾರಾ ಸಕಾಳಿಂ ಸ್ತ್ರೀಯಾಂಚೊ ದೀಸ್ ಆಚರಣ್ ಕೆಲೆಂ. ಸರ್ವ್ ಸ್ತ್ರೀಯಾಂನಿ ಸಂಭ್ರಮೀಕ್ ಮೀಸಾಂತ್ ಭಾಗ್ ಘೆವ್ನ್ ಲಿತುರ್ಜಿ ಚಲವ್ನ್ ವ್ಹೆಲೆಂ. ಉಪ್ರಾಂತ್ ಮಿನಿ ಹೊಲಾಂತ್ ಚಲ್‍ಲ್ಲ್ಯಾ ಕಾರ್ಯಕ್ರಮಾಂತ್ ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ, ಕೊವೆಂತಾಚಿ ವ್ಹಡಿಲ್ನ್ ಸಿ| ಅನ್ಸಿ ಪಾವ್ಲ್, ಹೋಲಿ ಕ್ರೊಸ್ ಇಂಗ್ಲೀಷ್ ಮಾಧ್ಯಮ್ ಇಸ್ಕೊಲಾಚಿ ಮುಕೆಲ್ ಮೆಸ್ತ್ರಿ ಸಿ| ಜ್ಯೋತಿ, ಫಿರ್ಗಜ್ ಗೊವ್ಳಿಕ್ ಮಂಡಳಿ ಕಾರ್ಯದರ್ಶಿ ವೀಣಾ ಫೆರ್ನಾಂಡಿಸ್, 20 ಆಯೋಗಾಚಿ ಸಂಯೋಜಕಿ ಅನಿತಾ ನಜ್ರೆತ್, ಸ್ತ್ರೀ ಸಂಘಟನಾಚಿ ಆಧ್ಯಕ್ಷ್ ಫ್ಲಾವಿಯಾ ರೆಬೆಲ್ಲೊ, ಕಾರ್ಯದರ್ಶಿ ಎಫಿಫಾನಿಯಾ ಅಲ್ಮೇಡಾ, ವಾರಾಡೊ ಸಂಪದ ಸ್ವಸಹಾಯ ಪಂಗ್ಡಾಚಿ ಸಂಚಾಲಕಿ ಸಿಂತಿಯಾ ರೊಡ್ರಿಗಸ್, ಖಜನ್ದಾರ್ ರೆನಿಟಾ ನಜ್ರೆತ್, ವಾರಾಡೊ ಮೊತಿಯಾಂ ಪ್ರತಿನಿಧಿ ಅನಿತಾ ನಜ್ರೆತ್, ಕಾರ್ಯಾಚೆ ಪೋಷಕ್ ಜೆನೆಟ್ ಶ್ಯಾಮ್ ಪಿಂಟೊ, ದುಬಾಯ್ ಹಿಚಾ ತರ್ಫೆನ್ ಆಲಿಸ್ ಆಲ್ಮೇಡಾ ಆನಿ ವಿನ್ನಿ ನಜ್ರೆತ್ ಹಿಚಾ ತರ್ಫೆನ್ ಸಿಸಿಲಿಯಾ ಫೆರ್ನಾಂಡಿಸ್ ವೆದಿಚೆರ್ ಹಾಜರ್ ಆಸ್‍ಲ್ಲಿಂ.
ಸ್ತ್ರೀಯಾಂನಿ ಮನೋರಂಜನ್ ಕಾರ್ಯಕ್ರಮ್ ಸಾದರ್ ಕೆಲೆಂ. ದಿವ್ಯಾ ನಜ್ರೆತಾನ್ ಸವಾಲಾಂಕ್ ಜಾಪಿ ದಿಂವ್ಚೆ ಖೆಳ್ ಚಲವ್ನ್ ವ್ಹೆಲೆಂ. ಕಾರ್ಯಕ್ರಮಾಕ್ ಅಧಕ್ಷ್ ಫ್ಲಾವಿಯಾ ರೆಬೆಲ್ಲೊನ್ ಸ್ವಾಗತ್ ಕೆಲೆಂ, ಅನಿತಾ ನಜ್ರೆತಾನ್ ಧನ್ಯಾವಾದ್ ಪಾಟಯ್ಲೆಂ ಆನಿ ಆಶಾ ನಜ್ರೆತಾನ್ ಕಾರ್ಯಕ್ರಮ್ ಚಲವ್ನ್ ವ್ಹೆಲೆಂ.
