By ByndoorchiZalak, Pics: Lawrence Fernandes, 11 Feb 2024
ಬೈಂದೂರ್: ಫಿರ್ಗಜ್ ಪೆಸ್ತಾ ಉಪ್ರಾಂತ್ ಭಾಗೆವಂತ್ ಖುರ್ಸಾಕ್ ಅರ್ಗಾಂ ಜಾವ್ನ್ ಚಾರಿತ್ರಿಕ್ ಪವಿತ್ರ್ ಖುರ್ಸಾ ಗುಡ್ಯಾರ್ ಅರ್ಗಾಂ ಮೀಸ್ ಭೆಟವ್ನ್ ಖುರ್ಸಾ ಗುಡ್ಯಾಚೆ ಫೆಸ್ತ್ ಆಚರಣ್ ಕೆಲೆಂ. ಕೆರೆಕೆಟ್ಟೆ ಸಾಂತ್ ಆಂತೊನ್ ಪೂನ್ ಶೆತಾಚೆ ದಿರೆಕ್ತೊರ್ ಬಾ| ಸುನಿಲ್ ವೇಗಸ್ ಬಲಿದಾನಾಚೆ ಪ್ರಧಾನ್ ಯಾಜಕ್ ಜಾವ್ನ್, ಕಲ್ಯಾಣ್ಪುರ್ ಮೌಂಟ್ ರೋಸರಿ ಫಿರ್ಗಜೆಚೆ ವಿಗಾರ್ ಬಾ| ರೊಕ್ ಡಿ’ಸೋಜಾ, ಬಾ| ಒಲಿವರ್ ನಜ್ರೆತ್ ಅನಿ ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ ಸಾಂಗಾತಾ ಸರ್ವ್ ಲೊಕಾನ್ ಅರ್ಗಾಂ ಮೀಸಾಚೆ ಬಲಿದಾನ್ ಭೆಟಯ್ಲೆಂ.
ಅರ್ಗಾಂ ಮೀಸಾ ಉಪ್ರಾಂತ್ ಭಾಗೆವಂತ್ ಖುರ್ಸಾಕ್ ಆರಾಧಾನ್ ಕರುನ್ ಸಮೇಸ್ತ್ ಭಕ್ತಿಕಾಂನಿ ಖುರ್ಸಾಚಾ ರೆಲಿಕೆಚಿ ಆಶೀರ್ವಾದ್ ಜೊಡುನ್ ಘೆತ್ಲೆಂ. ಫ್ರೆಡ್ರಿಕ್ ರೆಬೆರೊ ಆನಿ ಕುಟಾಮ್ ಫೆಸ್ತಾಚೆ ಪಿರ್ಜೆಂತ್ ಜಾವ್ನಾಸ್‍ಲ್ಲೆಂ.
