[ಬೈಂದೂರ್ ಫಿರ್ಗಜೆಚಾ ದೇವ್ ಆಪೊವ್ಣ್ಯಾಚಾ ವೊಡ್ತಾಂತ್ ಫುಲ್ ಲ್ಲಿಂ ದೋನ್ ಫುಲಾಂ ಬ್ರ| ರೋಯಲ್ ಆನಿ ಬ್ರ| ಸಂತೋಷ್, ಧಾರ್ಮಿಕ್ ಮೆಳಾಂತ್ ಭರ್ತಿ ಜಾವ್ನ್, 14 ವರ್ಸಾಂ ಧಾರ್ಮಿಕ್ ಶಿಕಾಪ್ ಸೊಂಪೊವ್ನ್ ಆಪ್ಲ್ಯಾ ಮಾಂಯ್ ಗಾಂವ್ ಬೈಂದೂರ್ ಫಿರ್ಗಜೆಂತ್ ಯಾಜಕೀ ದೀಕ್ಷಾ ಘೆಂವ್ಚ್ಯಾ ವಿಶೇಸ್ ಸಂಭ್ರಮಾಚಾ ಸಂದರ್ಭಿ ಬೈಂದೂರ್ಚಿಝಳಕ್ ಅಂತರ್ಜಾಳಿ ಥಾವ್ನ್ ಹಾಂಗಾಸರ್ ಬ್ರ| ರೋಯಲ್ ಆನಿ ಬ್ರ| ಸಂತೋಷ್ ಹಾಂಚಿ ಮಟ್ವಿ ಪರಿಚಯ್]
ಬ್ರ| ರೋಯಲ್ ನಜ್ರೆತ್
ಬ್ರ| ರೋಯಲ್ ನಜ್ರೆತ್ ಪುರ್ತೆಂ ನಾಂವ್ ರೋಯಲ್ ಪ್ರಕಾಶ್ ನಜ್ರೆತ್, ಬೈಂದೂರ್ ಫಿರ್ಗಜೆಚಾ ಶ್ರೀ ಪೀಟರ್ ನಜ್ರೆತ್ ಆನಿ ಶ್ರೀಮತಿ ಕಾರ್ಮಿನ್ ನಜ್ರೆತ್ ಹಾಂಚೊ ಮಾಲ್ಘಡೊ ಪೂತ್ ಜಾವ್ನ್ 1982 ಇಸ್ವೆಂತ್ ಅಗೋಸ್ತಾಚಾ 2 ತಾರೀಕೆರ್ ಹಾಂಚೊ ಜಲ್ಮ್. ಬೈಂದೂರ್ಚಾ ಭಾಗೆವಂತ್ ಖುರ್ಸಾಚಾ ಪ್ರಾಥಮಿಕ್ ಇಗರ್ಜೆ ಇಸ್ಕೊಲಾಂತ್ ಪ್ರೈಮರಿ ಶಿಕಾಪ್ ಜೊಡುನ್, ಉಪ್ರಾಂತ್ ಸರಕಾರಿ ಮಹಾ ವಿದ್ಯಾಲಯ ಉಪ್ಪುಂದ-ಅಂಬಾಗಿಲು ಹಾಂಗಾಸರ್ ಹೈಸ್ಕೂಲ್ ಶಿಕಾಪ್ ಸೊಂಪೊವ್ನ್, 1998 ಇಸ್ವೆಂತ್ ದೇವ್-ಆಪೊವ್ಣ್ಯಾಕ್ ಪಾಳೊ ದೀವ್ನ್ ಧಾರ್ಮಿಕ್ ಮೆಳಾಂತ್ ಭರ್ತಿ ಜಾಂವ್ಕ್ ಭಾಗೆವಂತ್ ಖುರ್ಸಾಚಾ ಮೆಳಾಂತ್ ಭರ್ತಿ ಜಾಲೆಂ. ಉಪ್ರಾಂತ್ ಬೆಂಗ್ಳುರ್, ಕೇರಳ, ತ್ರಿಪುರ ಹ್ಯಾ ಪ್ರಾಂತ್ಯಾನಿ ತಾಂಚೆ ಕೊಲೆಜಿಚೆ ಅನಿ ಧಾರ್ಮಿಕ್ ಶಿಕಾಪ್ ಜಾಲ್ಯಾ ಉಪ್ರಾಂತ್ , ತಮಿಳುನಾಡು ಏರ್ ಕಾಡಾಂತ್ ನೋವೀಶಿಯೆಟ್ ತರ್ಭೆತಿ ಸೊಂಪೊವ್ನ್ , 2006 ಇಸ್ವೆಂತ್ ಮೇಯಾಚಾ 30 ತಾರೀಕೆರ್ ಧಾರ್ಮಿಕ್ ಜಿಣ್ಯೆಚಿ ಪಯ್ಲಿಂ ಆಂಗೊವ್ಣ್ ಕೆಲೆಂ. ಉಪ್ರಾಂತ್ ಪೂನಾ ಜ್ನಾನ ದೀಪಾ ವಿದ್ಯಾಪೀಠಾಂತ್ ತತ್ವ್-ಶಾಸ್ತ್ರಾಚೆ ಆನಿ ದೇವ್ ಶಾಸ್ತ್ರಾಚೆ ಶಿಕಾಪ್ ಸೊಂಪೊವ್ನ್, 2012, ಫೆಬ್ರೆರ್ 11 ತಾರೀಕೆರ್ ನಿಮಾಣಿ ಭಾಸಾವ್ಣಿ ಕರುನ್, ದುಸ್ರ್ಯಾ ದಿಸಾ 12 ತಾರೀಕೆರ್ ದಿಯಾಕೊನಾಚಿ ಓಡ್ದ್ ಪೂನಾಚೆ ಬಿಸ್ಪ್ ಅ| ಮಾ| ಥೋಮಸ್ ದಾಬ್ರೆ ಹಾಂಚೆ ಹಾತಿಂ ಥಾವ್ನ್ ಆಪ್ಣಾಯ್ಲೆಂ. ಉಪ್ರಾಂತ್ ಥಂಯ್ಚ್ಯಾ ಜೆಜುರಾಯಾ ಫಿರ್ಗಜೆಂತ್ ದಿಯಾಕೊನಾಚೆ ಸೆವಾ ಆನಿ ತರ್ಭೆತಿ ಜೊಡುನ್ 14 ವರ್ಸಾಂ ಸೆಮಿನರಿಚೆ ಧಾರ್ಮಿಕ್ ಶಿಕಾಪ್ ಸೊಂಪೊವ್ನ್ ಸೊಮಾರಾ, ದಸೆಂಬರ್ 10 ತಾರೀಕೆರ್ ಆಪ್ಲೊ ಮಾಂಯ್ ಗಾಂವ್ ಬೈಂದೂರ್ ಫಿರ್ಗಜೆಂತ್ ಆಪ್ಲ್ಯಾ ಆವಯ್-ಬಾಪಯ್, ಭಾವ್, ಸಾಂಗಾತಾ ಕುಟ್ಮಾಂ ಸಮೇತ್ ಆನಿ ಸರ್ವ್ ಫಿರ್ಗಜ್ಗಾರಾಂ ಸಾಂಗಾತಾ ಉಡುಪಿ ದಿಯೆಸೆಜಿಚೊ ಸ್ಥಾಪಕ್ ಗೊವ್ಳಿ ಅ| ಮಾ| ದೊ| ಜೆರಾಲ್ಡ್ ಐಸಾಕ್ ಲೋಬೊ ಹಾಂಚೆ ಥಾವ್ನ್ ಯಾಜಕೀ ದೀಕ್ಷಾ ಜೊಡುನ್ ಘೆಂವ್ಚ್ಯಾ ಸಂಭ್ರಮಾಕ್ ಜಿವಿತಾಚೆ ಮಹತ್ವಾಚೆ ಘಡಿಯೆಕ್ ಬ್ರ| ರೋಯಲ್ ರಾಕೊನ್ ಆಸಾತ್.
ಬ್ರ| ಸಂತೋಷ್ ನಜ್ರೆತ್:
ಬ್ರ| ಸಂತೋಷ್ ನಜ್ರೆತ್ ಪುರ್ತೆಂ ನಾಂವ್ ಸಂತೋಷ್ ಜೇಕಬ್ ನಜ್ರೆತ್, ಬೈಂದೂರ್ ಫಿರ್ಗಜೆಚಾ ಶ್ರೀ ವಲೇರಿಯನ್ ನಜ್ರೆತ್ ಆನಿ ಶ್ರೀಮತಿ ಮರಿಯಾ ನಜ್ರೆತ್ ಹಾಂಚೊ ನಿಮಾಣೊ ಪೂತ್ ಜಾವ್ನ್ 1982 ಇಸ್ವೆಂತ್ ಜುಲಾಯೆಚಾ 26 ತಾರೀಕೆರ್ ಹಾಂಚೊ ಜಲ್ಮ್. ಬೈಂದೂರ್ಚಾ ಭಾಗೆವಂತ್ ಖುರ್ಸಾಚಾ ಪ್ರಾಥಮಿಕ್ ಇಗರ್ಜೆ ಇಸ್ಕೊಲಾಂತ್ ಪ್ರೈಮರಿ ಶಿಕಾಪ್ ಜೊಡುನ್, ಉಪ್ರಾಂತ್ ಬೈಂದೂರ್ ಸರಕಾರಿ ಪದವಿ ಪೂರ್ವ್ ಕೊಲೆಜಿಂತ್ ಹೈಸ್ಕೂಲ್ ಶಿಕಾಪ್ ಸೊಂಪೊವ್ನ್, 1998 ಇಸ್ವೆಂತ್ ದೇವ್-ಆಪೊವ್ಣ್ಯಾಕ್ ಪಾಳೊ ದೀವ್ನ್ ಧಾರ್ಮಿಕ್ ಮೆಳಾಂತ್ ಭರ್ತಿ ಜಾಂವ್ಕ್ ಭಾಗೆವಂತ್ ಖುರ್ಸಾಚಾ ಮೆಳಾಂತ್ ಭರ್ತಿ ಜಾಲೆಂ. ಉಪ್ರಾಂತ್ ಬೆಂಗ್ಳುರ್, ಕೇರಳ, ತ್ರಿಪುರ ಹ್ಯಾ ಪ್ರಾಂತ್ಯಾನಿ ತಾಂಚೆ ಕೊಲೆಜಿಚೆ ಅನಿ ಧಾರ್ಮಿಕ್ ಶಿಕಾಪ್ ಜಾಲ್ಯಾ ಉಪ್ರಾಂತ್ , ತಮಿಳುನಾಡು ಏರ್ ಕಾಡಾಂತ್ ನೋವೀಶಿಯೆಟ್ ತರ್ಭೆತಿ ಸೊಂಪೊವ್ನ್ , 2006 ಇಸ್ವೆಂತ್ ಮೇಯಾಚಾ 30 ತಾರೀಕೆರ್ ಧಾರ್ಮಿಕ್ ಜಿಣ್ಯೆಚಿ ಪಯ್ಲಿಂ ಆಂಗೊವ್ಣ್ ಕೆಲೆಂ. ಉಪ್ರಾಂತ್ ಪೂನಾ ಜ್ನಾನ ದೀಪಾ ವಿದ್ಯಾಪೀಠಾಂತ್ ತತ್ವ್-ಶಾಸ್ತ್ರಾಚೆ ಆನಿ ದೇವ್ ಶಾಸ್ತ್ರಾಚೆ ಶಿಕಾಪ್ ಸೊಂಪೊವ್ನ್, 2012, ಫೆಬ್ರೆರ್ 11 ತಾರೀಕೆರ್ ನಿಮಾಣಿ ಭಾಸಾವ್ಣಿ ಕರುನ್, ದುಸ್ರ್ಯಾ ದಿಸಾ 12 ತಾರೀಕೆರ್ ದಿಯಾಕೊನಾಚಿ ಓಡ್ದ್ ಪೂನಾಚೆ ಬಿಸ್ಪ್ ಅ| ಮಾ| ಥೋಮಸ್ ದಾಬ್ರೆ ಹಾಂಚೆ ಹಾತಿಂ ಥಾವ್ನ್ ಆಪ್ಣಾಯ್ಲೆಂ. ಉಪ್ರಾಂತ್ ಬೆಂಗ್ಳುರ್ ಬಾಳೊಕ್ ಜೆಜು ಫಿರ್ಗಜೆಂತ್ ದಿಯಾಕೊನಾಚೆ ಸೆವಾ ಆನಿ ತರ್ಭೆತಿ ಜೊಡುನ್ 14 ವರ್ಸಾಂ ಸೆಮಿನರಿಚೆ ಧಾರ್ಮಿಕ್ ಶಿಕಾಪ್ ಸೊಂಪೊವ್ನ್ ಸೊಮಾರಾ, ದಸೆಂಬರ್ 10 ತಾರೀಕೆರ್ ಆಪ್ಲೊ ಮಾಂಯ್ ಗಾಂವ್ ಬೈಂದೂರ್ ಫಿರ್ಗಜೆಂತ್ ಆಪ್ಲ್ಯಾ ಆವಯ್, ಭಾವ್-ಭಯ್ಣಿಂ, ಕುಟ್ಮಾಂ ಸಮೇತ್ ಆನಿ ಸರ್ವ್ ಫಿರ್ಗಜ್ಗಾರಾಂ ಸಾಂಗಾತಾ ಉಡುಪಿ ದಿಯೆಸೆಜಿಚೊ ಸ್ಥಾಪಕ್ ಗೊವ್ಳಿ ಅ| ಮಾ| ದೊ| ಜೆರಾಲ್ಡ್ ಐಸಾಕ್ ಲೋಬೊ ಹಾಂಚೆ ಥಾವ್ನ್ ಯಾಜಕೀ ದೀಕ್ಷಾ ಜೊಡುನ್ ಘೆಂವ್ಚ್ಯಾ ಸಂಭ್ರಮಾಕ್ ಜಿವಿತಾಚೆ ಮಹತ್ವಾಚೆ ಘಡಿಯೆಕ್ ಬ್ರ| ಸಂತೋಷ್ ರಾಕೊನ್ ಆಸಾತ್.