[ಚಿಕ್ಣಿಂ ಕವಿತಾ ಬರಯ್ಣಾರ್ ವಿಜಯ್ ಡಾಯಸ್, ಥೊಡ್ಯಾಚ್ ಉತ್ರಾಂಚಿ ಸಾಲ್ ತರೀ ಕವಿತಾ ಆಕರ್ಷಿತ್ ಥರಾನ್ ವೊಡುನ್ ಅಖ್ರೇಖ್ ಮಜೆದಾರ್ ಕವಿತಾ ಜಾವ್ನ್ ವಾಚ್ಪ್ಯಾಂಕ್ ಖುಶಾಲ್ ಭರಿತ್ ಪಂಚ್ ದಿತಾ. ವಿಜಯ್ ಡಾಯಸ್ ತವಳ್, ತವಳ್ ಫೆಸ್ಬುಕಾರ್ ಆಪ್ಲಿ ಚಿಕ್ಣಿಂ ಕವಿತಾ ಪರ್ಗಟುನ್ ಆಸಾ, ಹಾಂಗಾಸರ್ ಬೈಂದೂರ್ಚಿಝಳಕ್ ಅಂತರ್ಜಾಳಿಕ್ ಆಪ್ಲೆಂ ಪಯ್ಲೆಂ ಚಿಕ್ಣಿಂ ಕವಿತಾ ಪರ್ಗಟ್ ಕರ್ತಾ]
Love in Byndoor
ದೊಣ್ ಭರ್ನ್ ರೆಂವ್ ಘೆವ್ನ್
ಹಾಂವ್ ಯೆತಾನಾ,
ಸುಂಕ್ಟಾ ಧರುಂಕ್ ಮ್ಹಣ್
ತೆಂ ನ್ಹಂಯ್ತ್ ದೆಂವ್ತಾನಾ,
ಎಕಾಮೆಕಾ
ಇಷ್ಟಾಗತಿಚೋ ಹಾಸೋ
ಮೊಗಾಂತ್ ಬದಲ್ತಾನಾ,
ಖಾಡಿಯೇಂತ್ಲೇ
ಪಾಕೆ, ದೊಂಕಾ ಸಂತೊಸಾನ್
ವಯ್ರ್ ಉಬ್ತಾನಾ ,
ನಿದೆಂತ್ ಜಾಗ್ ಜಾವ್ನ್
ಹಾಂವ ದೊಳೆ ಉಗ್ತೆ ಕರ್ತಾನಾ... ,
ಪಯ್ಸ್ ರೆಸ್ಪೆರಾಚಾ ಬೆಂಡಾ ಸಂಗೀ,
ಇಗರ್ಜೆಚೊ ಘಾಂಟ್ ವಾಜ್ತಾಲೆ!!!
ವಿಜಯ್ ಡಾಯಸ್, ಉಪ್ಪುಂದ