By ByndoorchiZalak, Pics: Lawrence Fernandes, 08 September, 2026
ಬೈಂದೂರ್: ಮರಿಯೆ ಮಾಯೆಚೆ ಜಲ್ಮಾಂ ಪರಬ್ ಆನಿ ಕುಟ್ಮಾಚೆ ಫೆಸ್ತ್ ಮೊಂತಿ ಫೆಸ್ತಾಚೊ ಸಂಭ್ರಮ್ ಆಜ್ ಸಕಾಳಿಂ ಸರ್ವ್ ಫಿರ್ಗಜ್ ಲೊಕಾನ್ ವ್ಹಡಾ ಸಂಭ್ರಮಾನ್ ಆಚರಣ್ ಕೆಲೆಂ. ಸಕಾಳಿಂ ಇಗರ್ಜೆ ಇಸ್ಕೊಲಾಂತ್ ಸರ್ವ್ ಫಿರ್ಗಜ್ಗಾರಾಂ ಸಾಂಗಾತಾ ಮೆಳೊನ್ ಶೆತಾಂತ್ ಜಾಲ್ಲೆಂ ನವೆಂ ಬೆಳೆಂ ಭಾತಾಚೆಂ ಕಣ್ಶ್ಯೊಂ ಬಾ| ಕಿರಣ್ ನಜ್ರೆತಾನ್ ಬೆಂಜಾರ್ ಕರುನ್ ದೆವಾಕ್ ಅರ್ಗಾಂ ಪಾಟಯ್ಲೆಂ. ಬಾಳೊಕ್ ಮರಿಯೆಕ್ ಹೊಗಳ್ಸುನ್ ಲ್ಹಾನಾ ಭುರ್ಗ್ಯಾಂನಿ ಫುಲಾಂ ಅರ್ಪಣ್ ಕೆಲೆಂ. ಉಪ್ರಾಂತ್ ಇಗರ್ಜೆ ಇಸ್ಕೊಲಾಂ ಥಾವ್ನ್ ಇಗರ್ಜೆಕ್ ಪುರ್ಶ್ಯಾಂವ್ ಕರುನ್ ದೇವ್ ಮಂದಿರಾಂತ್ ಸಂಭ್ರಮೀಕ್ ಮೀಸಾಚೆ ಬಲಿದಾನ್ ಭೆಟಯ್ಲೆಂ. ಸಂಭ್ರಮೀಕ್ ಬಲಿದಾನಾಂತ್ ಪ್ರಧಾನ್ ಯಾಜಕ್ ಜಾವ್ನ್ ಉಡುಪಿ ಸಂಪದ ಸಂಸ್ಥ್ಯಾಚೆ ದಿರೆಕ್ತೊರ್ ಬಾಪ್ ರೆಜೆನಾಲ್ಡ್ ಪಿಂಟೊ, ವಿಗಾರ್ ಬಾಪ್ ಡೆನಿಸ್ ಡಿ’ಸೋಜಾ ಆನಿ ಬಾಪ್ ಕಿರಣ್ ನಜ್ರೆತಾ ಸಾಂಗಾತಾ ಸರ್ವ್ ಫಿರ್ಗಜ್ ಲೊಕಾನ್ ಮೀಸಾಚೆ ಬಲಿದಾನ್ ಭೆಟಯ್ಲೆಂ.
