By ICYM & YCS Byndoor, 09 August, 2026
ಬೈಂದೂರ್: ಆಯ್ತಾರಾ, ಅಗೋಸ್ತ್ 9 ತಾರೀಕೆರ್ ಫಿರ್ಗಜೆಚಾ ICYM ಆನಿ YCS ಸಾಂಗತ್ಪಣಾರ್ ರಾಷ್ಟ್ರೀಯ್ ಯುವಜಣಾಂಚೊ ದೀಸ್ ಆಚರಣ್ ಕೆಲೆಂ. ಸಕಾಳಿಂ ಸರ್ವ್ ಯುವಜಣಾಂ ಖಾತಿರ್ ವಿಗಾರಾನ್ ವಿಶೇಸ್ ಮಾಗ್ಣೆಂ ಕರುನ್ ಸರ್ವ್ ಯುವಜಣಾಂ ಸಾಂಗಾತಾ ಆನಿ ಫಿರ್ಗಜ್ ಲೊಕಾಂ ಸಾಂಗಾತಾ ಮೀಸಾಚೆ ಬಲಿದಾನ್ ಭೆಟಯ್ಲೆಂ.
ಉಪ್ರಾಂತ್ ಫಿರ್ಗಜೆಚಾ ಮಿನಿ ಹೊಲಾಂತ್ ಯುವಜಣಾಂ ಖಾತಿರ್ ಮಾಂಡುನ್ ಹಾಡ್ಲ್ಲ್ಯಾ ಕಾರ್ಯಕ್ರಮಾಂತ್ ಕಾರ್ಯಕ್ರಮಾಚೆ ಅಧ್ಯಕ್ಷ್ ಜಾವ್ನ್ ವಿಗಾರ್ ಬಾ| ಡೆನಿಸ್ ಡಿ’ಸೋಜಾ, ಸಂಪನ್ಮೂಲ್ ವ್ಯಕ್ತಿ ಜಾವ್ನ್ ಮಾನೇಸ್ತ್ ಗ್ರೈನಾಲ್ಡ್ ಡಿ’ಮೆಲ್ಲೊ, ಸಿ| ಆನ್ಸಿ ಪಾವ್ಲ್, ಫಿರ್ಗಜ್ ಮಂಡಳಿ ಉಪಾಧ್ಯಕ್ಷ್ ಸ್ತೇಫಾನ್ ಡಾಯಸ್, ಕಾರ್ಯದರ್ಶಿ ವೀಣಾ ಫೆರ್ನಾಂಡಿಸ್, ಆಯೋಗಾಂಚಿ ಸಂಚಾಲಕಿ ಜೊಸ್ಪಿನ್ ರೊಡ್ರಿಗಸ್, ಶಿಕ್ಷಣ್ ಆಯೋಗಾಚೊ ಸಂಚಾಲಕ್ ಪೀಟರ್ ನಜ್ರೆತ್, ICYM Animator ಪ್ರದೀಪ್ ಫೆರ್ನಾಂಡಿಸ್, YCS Animator ಆಶಾ ವೀಣಾ ಡಾಯಸ್, ICYM ಅಧ್ಯಕ್ಷ್ ಡೀಯೊನ್ ಡಾಯಸ್, ಕಾರ್ಯದರ್ಶಿ ರೇಗನ್ ನಜ್ರೆತ್, YCS ಅಧ್ಯಕ್ಷ್ ಶಾನೋಲ್ ಡಾಯಸ್ ಆನಿ ಕಾರ್ಯದರ್ಶಿ ಕ್ಯಾರಲ್ ಲೋಬೊ ವೇದಿಚೆರ್ ಹಾಜರ್ ಆಸ್ಲ್ಲಿಂ.
ಸಂಪನ್ಮೂಲ್ ವ್ಯಕ್ತಿ ಜಾವ್ನ್ ಆಯಿಲ್ಲೆಂ ಮಾನೇಸ್ತ್ ಗ್ರೈನಾಲ್ಡ್ ಡಿ’ಮೆಲ್ಲೊನ್ ಫಿರ್ಗಜೆಂತ್ ಯುವಜಣಾಂಚೊ ಪಾತ್ರ್ ಆನಿ ಸಕ್ರೀಯ್ ಮೆತೆರ್ಪಣ್ ಹ್ಯಾ ವಿಷಯಾಚೆರ್ ಯುವಜಾಣಾಂಕ್ ಜೊಕ್ತೆ ಮಾರ್ಗದರ್ಶನ್ ದಿಲೆಂ. ಯುವಜಾಣಾಂಕ್ ವಿವಿಧ್ ಪಂಗಡ್ ಚಟುವಟಿಕ್ಯೊ ಆಸಾ ಕರುನ್ ಮಾಧ್ಯಮಾಂ ವಾಪಾರ್ನ್ ಫಿರ್ಗಜೆಂತ್ ಆಪ್ಣಾಚೆ ಮೆತೆರ್ಪಣ್ ಆನಿ ಜವಾಬ್ದಾರಿ ಘೆಂವ್ಚ್ಯಾ ವಿಷಯಾಚೆರ್ ಪಂಗಡ್ ಸಂವಾದ್ ಆನಿ ವಿಚಾರ್ ವಾಂಟುನ್ ಘೆತ್ಲೆಂ. ವಿವಿಧ್ ಖೆಳ್ ಆನಿ ಜೆವ್ಣಾಂ ಸವೆಂ ಕಾರ್ಯಕ್ರಮ್ ಅಕೇರ್ ಕೆಲೆಂ. ಫಿರ್ಗಜೆಚಾ ಸುಮಾರ್ 70 ಯುವಜಣಾಂನಿ ಹ್ಯಾ ಕಾರ್ಯಕ್ರಮಾಂತ್ ಭಾಗ್ ಘೆತ್ಲೆಂ. 
