By ByndoorchiZalak, 26 April, 2026
ಬೈಂದೂರ್: ಆಪ್ಲ್ಯಾ ಮಿಸಾಂವ್ ವಾವ್ರಾಂತ್ ಪಾಟ್ಲ್ಯಾ ಸಾತ್ ವರ್ಸಾಂ ಥಾವ್ನ್ ಬೈಂದೂರ್ ಫಿರ್ಗಜೆಕ್ ಲೊಕಾಮೊಗಾಳ್ ಜಾವ್ನ್ ಜಾಯ್ತಿಂ ಸೆವಾ ಭೆಟಯಿಲ್ಲೆಂ ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊ ಮೇ 13 ತಾರೀಕೆರ್ ಆಪ್ಲ್ಯಾ ಮುಕ್ಲ್ಯಾ ಮಿಸಾಂವ್ ವಾವ್ರಾಕ್ ಸಾಂತ್ ಫ್ರಾನ್ಸಿಸ್ ಸಾವೆರಾಚಿ ಫಿರ್ಗಜ್, ಮುದರಂಗಡಿ ಹಾಂಗಾಸರ್ ವರ್ಗಾವಣ್ ಜಾತಲೆಂ.
ಬಾ| ವಿನ್ಸೆಂಟ್ ಕುವೆಲ್ಲೊಚಾ ಸ್ಥಾನಾರ್ ಕಾರ್ಕಳ್ ವಾರಾಡೊ, ಪರಪ್ಪಾಡಿ ನಿರ್ಮಲಪದವು ನಿತ್ಯಾಧರ್ ಸಾಯ್ಭಿಣ್ ಫಿರ್ಗಜೆಚೆ ಪ್ರಸ್ತುತ್ ವಿಗಾರ್ ಬಾ| ಡೆನ್ನಿಸ್ ಡಿ’ಸೋಜಾ ಮೇ 12 ತಾರೀಕೆರ್ ಬೈಂದೂರ್ ಫಿರ್ಗಜೆಕ್ ವಿಗಾರಾಚಿ ಸೆವಾ ಭೆಟಂವ್ಕ್ ಯೆತಲೆಂ. ಬಾ| ಡೆನ್ನಿಸ್ ಡಿ’ಸೋಜಾ ಹ್ಯಾ ಫುಡೆಂ ವಾಲೆನ್ಸಿಯಾ, ಕಲ್ಯಾಣ್ಪುರ್ ಫಿರ್ಗಜೆಂತ್ ಸಹಾಯಕ್ ವಿಗಾರ್, ಬೆಳ್ತಂಗಡಿ ಇಂದಬೆಟ್ಟು ಫಿರ್ಗಜೆಚೆ ವಿಗಾರ್ ಆನಿ ಕುಂದಾಪುರ್ ವಾರಾಡೊ ಬೆಳ್ವೆ ಎಸ್ಟೇಟಾಚೆ ದಿರೆಕ್ತೊರ್ ಜಾವ್ನ್ 25 ವರ್ಸಾಂ ಥಾವ್ನ್ ಧಾರ್ಮಿಕ್ ಸೇವಾ ದೀವ್ನ್ ಆಸಾತ್. ಬಾ| ಡೆನ್ನಿಸ್ ಗಾಂವಾನ್ ಮೂಡುಬಿದ್ರೆ ವಾರಾಡೊ ಸಂಪಿಗೆ ಫಿರ್ಗಜೆಚೆ.