By ByndoorchiZalak, Pics: Lawrence Fernandes, 02 April, 2026
ಬೈಂದೂರ್: ನಿಮಾಣ್ಯಾ ಬ್ರೇಸ್ತಾರಾ ಸೊಮಿಯಾಚ್ಯಾ ನಿಮಾಣ್ಯಾ ಜೆವ್ಣಾಚೊ ಉಗ್ಡಾಸ್ ಕಾಡುನ್ ಪವಿತ್ರ್ ಎವ್ಕರಿಸ್ತಾಚೊ ಸಂಭ್ರಮ್ ಸರ್ವ್ ಫಿರ್ಗಜ್ ಲೊಕಾನ್ ವ್ಹಡಾ ಭಕ್ತಿಪಣಾನ್ ಭಾಗ್ ಘೆವ್ನ್ ಆಚರಣ್ ಕೆಲೆಂ. ವಿಗಾರ್ ಬಾ|ವಿನ್ಸೆಂಟ್ ಕುವೆಲ್ಲೊ, ಸಹಾಯಕ್ ಯಾಜಕ್ ಬಾ| ಪೃಥ್ವಿ ರೊಡ್ರಿಗಸ್, ಬಾ| ಒಲಿವರ್ ನಜ್ರೆತ್ ಆನಿ ಬಾ| ಜೊಸೇಫ್ ರೊಡ್ರಿಗಸಾನ್ ಸಾಂಗಾತಾ ಸಂಭ್ರಮೀಕ್ ಮೀಸಾಚೆ ಬಲಿದಾನ್ ಭೆಟಯ್ಲೆಂ. ವಿಗಾರಾನ್ ಜೆಜುನ್ ನಿಮಾಣ್ಯಾ ಜೆವ್ಣಾರ್ ಶಿಸಾಂಚೆ ಪಾಂಯ್ ದುಲ್ಲೆಂ ಘಡಿತ್ ಉಗ್ಡಾಸ್ ಕಾಡುನ್ ಶಿಸಾಂಚೆ ಪಾಂಯ್ ದುಂವ್ಚಿ ರೀತ್ ಚಲಯ್ಲೆಂ. ಮೀಸಾ ಉಪ್ರಾಂತ್ ಪವಿತ್ರ್ ಸಾಕ್ರಾಮೆಂತಾಕ್ ವಿಶೆವಾಚಾ ಆಲ್ತಾರಿರ್ ದವ್ರುನ್ ಪವಿತ್ರ್ ಸಾಕ್ರಾಮೆಂತಾಚೆ ಆರಾಧಾನ್ ಚಲ್ಲೆಂ.
