By ByndoorchiZalak, Pics: Lawrence Fernandes, 27 March, 2026
ಬೈಂದೂರ್: ಬೈಬಲ್ ಆಯೋಗಾಚಾ ಮುಕೇಲ್ಪಣಾರ್ ಸುಕ್ರಾರಾ, ಮಾರ್ಚ್ 27 ತಾರೀಕೆರ್ “ಬೈಬಲ್ ಗಾಜವ್ಣಿ” ಪವಿತ್ರ್ ಭಕ್ತಿಕ್ ಕಾರ್ಯಕ್ರಮ್ ಮಾಂಡುನ್ ಹಾಡ್ಲಿಂ. ವಿಗಾರ್ ಬಾ| ವಿನ್ಸೆಂಟ್ ಕುವೆಲ್ಲೊನ್ ಪವಿತ್ರ್ ಪುಸ್ತಕ್ ಪುರ್ಶಾವಾಂರ್ ಹಾಡುನ್ ಮಾನಾಚಾ ಜಾಗ್ಯಾರ್ ದವ್ರುನ್ ಫುಲಾಂ ಅರ್ಪುನ್ ಪವಿತ್ರ್ ಪುಸ್ತಕಾಕ್ ಮಾನ್ ಕೆಲೊ. ಸಹಾಯಕ್ ಯಾಜಕ್ ಬಾ| ಪೃಥ್ವಿ ರೊಡ್ರಿಗಸ್, ಕೊವೆಂತಾಚಿ ಧರ್ಮ್ ಭಯ್ಣ್ ಸಿ| ಆನ್ಸಿ ಪಾವ್ಲ್, ಫಿರ್ಗಕ್ ಮಂಡಳಿ ಉಪಾಧ್ಯಕ್ಷ್, ಕಾರ್ಯದರ್ಶಿ, ವಿವಿಧ್ ಆಯೋಗಾಂಚಿ ಸಂಯೋಜಕಿ, ಬೈಬಲ್ ಆಯೋಗಾಚಿ ಸಂಯೋಜಕಿ ಸಾರಾ ಫೆರ್ನಾಂಡಿಸ್ ಆನಿ ಬೈಬಲ್ ಆಯೊಗಾಚಾ ಸರ್ವ್ ಸಾಂದ್ಯಾನಿ, ಜೆಜುಚ್ಯಾ ಪವಿತ್ರ್ ಕಾಳ್ಜಾ ವಾಡ್ಯಾಚೊ ಗುರ್ಕಾರ್ ಆನಿ ವಾಡ್ಯಾಗಾರಾಂನಿ ಪವಿತ್ರ್ ಪುಸ್ತಕಾಕ್ ಮಾನ್ ಕೆಲೊ. ವಿಗಾರಾನ್ ಪವಿತ್ರ್ ಪುಸ್ತಕಾಂತ್ಲೆ ವಾಚಪ್ ವಾಚುನ್ ಬೈಬಲ್ ಗಾಜವ್ಣಿ ಕಾರ್ಯಕ್ರಮಾಕ್ ಸುರ್ವಾತ್ ಕೆಲೆಂ. ಸಕಾಳಿಂ 8 ವೊರಾಂ ಥಾವ್ನ್ ಸಾಂಜೆರ್ 5 ವೊರಾಂ ಮ್ಹಣಾಸರ್ 12 ವಾಡ್ಯಾಗಾರಾಂನಿ ಹಾಜರ್ ಜಾವ್ನ್, ಹರ್ಯೇಕಾ ವಾಡ್ಯಾಗಾರಾಂನಿ 45 ಮಿನುಟಾಂ ಬೈಬಲ್ ಗಾಜವ್ಣಿ ಕಾರ್ಯಕ್ರಮ್ ಚಲವ್ನ್ ವ್ಹೆಲೆಂ. 350 ಫಿರ್ಗಜ್ಗಾರಾಂನಿ ಬೈಬಲ್ ಗಾಜವ್ಣಿ ಕಾರ್ಯಕ್ರಮಾಂತ್ ಭಕ್ತಿಪಣಾನ್ ಭಾಗ್ ಘೆತ್ಲೆಂ.
